1 JOHAN 2:13 - DAÜLANGPÜ LAIHING (BSI)

¹³ Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü ammi ten neüteke.

1 JOHAN 2:13 Referans Kwoze

JOHAN 14:7

Ammi hingshangi ngei nyinglang meyü ammi Opayao nyinghen vaipeih. Shaang mü leitü ammi büpa nyingnyüke hatü eeteke” shei e.

1 JOHAN 2:14

Hashihthü, ngei am kü nyangnyeih, mehenangkü ammi Pa nyingnyüke. Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü am wong kohshi, hatü Kahvang shah am kü nyüke, hatü ammi ten neütükteke.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

1 JOHAN 2:12

Maanpü hashihthü, ngei am kü nyangnyeih, mehenangkü büpalei men nangkü ammei mang peü tükteke.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

TITUS 2:6

Hapa keiha nethethü kao ungei-aeihen etuh.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

JOHAN 16:3

Jomi Opa nevaijü ngei nenyingpü nangkü jomi ha dükphahen.

JOHAN 14:9

Jisui jangei, “Ngei amphong mü hajük hepak lushi nyupheikü nüngi ngei nenyingnyu je? Üpai ngei ee, büpai Opa eeteke. ‘Ham kü Opa hushih’ shei nüngi mekei enya?

JOHAN 8:19

Hahepak kü jomi büpa kü, “Ampa melei nyüpa?” shei phe. Jisui, “Ammi ngei nevaijü Opa nenying. Ammi ngei nyinglang meyü Opayao nyinghen vaipeih” shei e.

MATHI 13:38

Kah lappeyü kahdoknyü, hatü meipü sheiliyü ongching kü hapeüthü, hatü nüklangthüngü kahshihlei hapeüthü,

MATHI 13:19

Mechem hanei ami hapa ongching jung epü shah bangtü nyingei neyahhen, mongdangei mehe sheili haiyei tuh, kahshih peiyei ha aetei lüdainyeih; lemshongei haipü sheiliyü ha hih.

KANDOK 20:29

Nethe hükei müknyinshekhangü büpalei wong, hatü viüpalei dhemeilaümapü vangdhümü shosho pungpü.

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

1 TIMOTI 5:1

Nüngi behe kü shahwong te-e, shejao nüngi ampa kü kei etuh, hatü naü-eethü kü jeihinaü kü kei,

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

JOEL 2:28

Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

MENVIH KESHO 148:12

nethe hatü nelathü peüi, behe hatü hashih peüi büpa vihtuh.

MATHI 5:37

Nüngei shah-ü, “Hih, shejü hih” nevaijü, “Nevai, shejü nevai” shei etuh. Ha mü lendaipü peü mang kübü vamnyüke.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.