1 JOHAN 2:1 - DAÜLANGPÜ LAIHING (BSI)

¹ Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

1 JOHAN 2:1 Referans Kwoze

1 TIMOTI 2:5

Mehenangkü Kahvang hük nyüke hatü Kahvang hi hangku aa kü baong kü shapü hük mon nyüke, hapayü shennyak, Khrista Jisu.

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

1 JOHAN 3:18

Maanpü hashihthü, jeni shah-i nevaijü epai mon nebamshah, shejao shahhing kü hatü doui bamteishah.

1 JOHAN 3:7

Maanpü hashihthü, üpaiyao am lemnyong kü temühü. Büpa daülangi nyupükei üpai jiüpü dük, büpa daülangpü nyüke.

JOHAN 8:11

Pinnyüi, “Hih, longpüba” shei e. Jisui, “Ngeiyao nüng nenyonghünyih. Leituh, hatü shaang mü leitü ne-ei mang tethah” shei e.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

1 JOHAN 3:5

Büpayü mang yah-ei lüdainüng shakei vampeih shei ammi nying, hatü büpa kü mang neshiü.

EPHESIA 2:18

Hanangkü jen khong nyiphen Laangha hük kü Pa touei peiaoknyeih.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

EZEKIEL 3:21

Shejao nüngi daülangpüthü kü mang nethahhen eshuohjü jom mang nethahjema, jomphong hingmei yemmü nyuhen, hatü nüngei yangnyuao yangei nyuhen.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

EPHESIA 4:26

Mongshihtuh, shejao mang tethah; am mongshihpai vanghenyü teshüshih,

GALATIA 4:19

Ngei bampü hashihthü, am kü Khrista mangnyu thahshi hapeü angshingkü tüngpükei ngei nyunyeih.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

JOHAN 5:36

Shejao Johani denpü mao nyeipü denpü hük ngelei nyüpeih. Pa-i ngei kü temhen shingvaishi shuohpü ngei shaang dükpü douthü homei Pa-i ngei shompeih shei denpü shuohnyüke.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

1 PETER 2:22

“Büpai mang nethah, hatü büpalei ju kübü shahshem hükao nevam.”

1 KORINT 15:34

Meipü hatü jiüshangpü mongdeih touei peikei hatü hajük kü mang tethah; mehenangkü shennyak haneiyü Kahvang nyingpü neshiü. Hayü ngei am veühühen nangkü enyeih.

JOHAN 5:14

Pheishi Jisui büpa phopshemei heüei büpa kü, “Veituh, nüng meidaiteke! Nüng hajük kü mang thah-ei tenyu; hei nevaijema lemhük nemeipü dhaümkahen” shei e.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

MENVIH KESHO 4:4

Nüng mongshihpai mang tethah; laophülei shinshingei mongdang yemtuh, hatü nenmü nyutuh.

1 JOHAN 5:21

Bampü hashihthü, am nyingi lajeithü kübü yanei nyutuh.

JAKOB 3:9

Hapai-üng jeni Shembüpa, hatü Pa men vihnyüke, hatü hapai-üng Kahvang leshi lingtükpüthü kü jeni thaüvaünyüke.

ROM SHAHSHA APPÜ 6:15

Shejema mehe? Jen shahkungnyü phangkü nevai, phahji phangkü nyupü nangkü jen mang thahhen je? Lanshei nevai!

JOHAN 13:33

Maanpü hashihthü, ngei am mü hepak kansho hük mon nyuhen. Ammi ngei yemhen hatü ngei Jehoda am kü epükei shaang ngei am kao enyeih, ‘Ngei melei nyu, halei am nepeiaokhen.’

1 TIMOTI 3:14

Ngei lomi nüng touei peiyei pongteihen monglemnyeih, shejao ngei ha lai nüng kü venei nyangnyeih.

JOHAN 21:5

Jisui jomphong kü, “Küphüthü, amphongi nyah meheyao neyepangpü je?” shei phe. Jomphongi büpa kü, “Neyep” shei e.

JOHAN 14:16

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

1 JOHAN 5:17

Nejiüi dükpü peü mang, shejao dibenüng nevaipü mang nyüke.

3 JOHAN 1:4

Ngelei hapeüthüi shahhing kü kamnyüke shei denpü kü mongongpü mü lenei ha mü nyeipü mongong neshiüpih.