1 JOHAN 1:7 - DAÜLANGPÜ LAIHING (BSI)

⁷ shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

1 JOHAN 1:7 Referans Kwoze

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

ROM SHAHSHA APPÜ 13:12

Vangnyak luangi daiteke; vangngai yopailei nyüke. Shejema jeni vangnyak douthü tuhphongshah, hatü vangngai ow owshah;

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

1 JOHAN 1:5

Kahvangü vangngai hatü büpa kü vangnyak lanshei neshiü shei hapa shahjang hami büpa leipü danpü am kü baongnyeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

1 JOHAN 5:6

Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

MENVIH KESHO 89:15

Kesho lokei nüng kü khümpüthü, hatü nüngei vangngai kü kampüthü mongong, Oh Shembüpa;

MENVIH KESHO 56:13

Mehenangkü nüngi ngelei laangha dihen kübü, hatü ngelei la kükhen kübü yangteke. Hanangkü ngei yangnyu vangngai kü Kahvang touei kamhen.

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

ISAIAH 2:5

Peikei, Oh Jakob shem am, jeni Shembüpalei vangngai kü kamshah.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

MENVIH KESHO 97:11

Daülangpüthü shing vanghe ja aongnyeih, hatü mongdang kangshangi nyupüthü kü mongong vamnyeih.

1 JOHAN 5:8

Laangha, yung hatü iy hatü hathü jemphen aihük mü denpü shuohnyüke.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

3 JOHAN 1:4

Ngelei hapeüthüi shahhing kü kamnyüke shei denpü kü mongongpü mü lenei ha mü nyeipü mongong neshiüpih.

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

2 JOHAN 1:4

Jen kü Pa-i epü keiha nüngei hapeüthü hanei shahhing kü kampü eeyei ngei longi mongmeinyeih.

AMOS 3:3

Chemi daihen nemongteipü kü shennyak nyi chemi dainyu hiang?

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

ISAIAH 6:7

Büpai hapa yah-ei ngelei ju kü hongtü, “Veituh, hapai nüngei ju kü hongteke; shaang nüngei mang lüdai, hatü nüngei mang tükteke” shei e.

ISAIAH 33:24

Zionlei nyupü üpaiyao, “Ngei tüngei hih” shei ne-ehen. Halei nyupü shennyakthü kü jomei mang tüktükhen.

MATHI 6:12

Hami mih kü mang dükshuohpükei hamei mangao tükshihma.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

JOHAN 5:4

Mehenangkü hepak hepak kü vangsho phongshan yiüei hapa yung jenhamteke. Yung jenshan ieyei üpai shong halei laongei hünghenshang, mehe din vaijao meidaihamteke.