Shpricha 8:10 - Pennsylvania Dutch Bible

¹⁰ Nemmet mei lanning in blatz funn silvah, un goodi eisicht leevah es fei gold.

Shpricha 8:10 Referans Kwoze

Psalm 119:127

Fasell habb ich dei gebodda leeblich, may es gold, yau, may es fei gold.

Psalm 119:72

Es ksetz funn dei maul is miah leevah, es dausends funn shtikkah silvah un gold.

Shpricha 23:23

Kawf di voahheit un du see nett fakawfa, grikk veisheit, lanning un eisicht.

Breddichah 7:11

Veisheit, so vi eahbshaft, is en goot ding, un helft selli es di sunn sayna.

Shpricha 10:20

Di zung funn di gerechta is vi fei silvah, avvah di meind funn di gottlohsa is nett feel veaht.

Di Apostelgeschichte 3:6

Da Petrus hott ksawt, “Ich habb kenn silvah adda gold. Avvah vass ich habb vill ich diah gevva. Im nohma Jesus Christus funn Nazareth, shtay uf un lawf.”

Shpricha 16:16

Es is bessah fa veisheit greeya es vi fa gold havva, un's is bessah fa eisicht nemma es vi silvah.

Psalm 119:162

Ich froi mich ivvah dei vatt, so es vi ebbah es oahrich keshtlich sach find.

2. Korinther 6:10

bedreebt, avvah immah fraylich, oahm, avvah am feel reich macha, es vi nix havva, un doch alles aykna.

Shpricha 8:19

Mei frucht is bessah es gold, even es fei gold, un vass ich gebb is bessah es es besht silvah.

Hiob 28:15

See kann nett gekawft sei mitt em beshta gold, un genunk silvah kann nett raus gvohwa sei difoah.

Hiob 28:17

Gold un sheinich glaws kann ma nett fagleicha mitt iahra, un ma kann see nett fahandla fa goldichi sacha.

Shpricha 20:15

'S hott feel gold un's hott feel keshtlichi shtay, avvah leftz es shvetza mitt eisicht sinn may keshtlich.