Shpricha 6:3 - Pennsylvania Dutch Bible

³ Dann du dess, mei kind, fa dich frei macha, fa du bisht unnich deim nochbah sei hand kumma. Daymeedich dich, gay un hald oh dei nochbah bidda;

Shpricha 6:3 Referans Kwoze

Jakobus 4:10

Daymeedichet eich fannich Gott un eah haybt eich uf.

Psalm 31:8

un gebsht mich nett ivvah in di hend funn mei feinda, avvah du setsht mei fees in en grohsah uffenah blatz.

2. Chronik 36:12

Eah hott evil gedu in di awwa fumm Hah, sei Gott, un hott sich nett gedaymeedicht fannich em brofayt Jeremia, deah es es vatt fumm Hah auskshprocha hott.

2. Chronik 12:5

No is da brofayt Semaia zumm Rehabeam un di evvahshti funn Juda kumma es zammah fasammeld voahra in Jerusalem veil si sich kfeicht henn veyyich em Sisak, un eah hott ksawt zu eena, “Dess is vass da Hah sawkt, ‘Diah hend mich falossa, so nau faloss ich eich zumm Sisak sei hand.’”

2. Samuel 24:14

Da Dawfit hott ksawt zumm Gad, “Ich habb grohsah angsht. Loss uns im Hah sei hend falla, veil sei bamhatzichkeit grohs is. Avvah loss mich nett in di hend funn mennah falla.”

2. Mosi 10:3

Da Mosi un da Aaron sinn no zumm Pharao ganga un henn ksawt zu eem, “Dess is vass da Hah, da Gott funn di Hebrayah sawkt, ‘Vee lang shteibahsht du dich fa dich daymeedich macha fannich miah? Loss mei leit gay, so es si mich deena kenna.

Shpricha 6:2

Voahsht du kfanga bei dei aykni vadda, un bei vass du fashprocha hosht?

Shpricha 6:4

Alawb dei awwa nett eishlohfa, un loss dei awwa-dekkel nett zu gay.