Shpricha 4:13 - Pennsylvania Dutch Bible

¹³ Hayb oh zu vass du gland hosht, loss nett gay difunn, du's oahrich heeda, fa's is dei layva.

Shpricha 4:13 Referans Kwoze

Hebräer 2:1

Fasell missa miah may acht havva fa dess vass miah keaht henn, so es miah nett vekk lawfa difunn.

Shpricha 3:18

Di veisheit is en layves-bohm zu selli es see ohnemma, un ksaykend sinn selli es zu iahra henka.

Shpricha 23:23

Kawf di voahheit un du see nett fakawfa, grikk veisheit, lanning un eisicht.

5. Mosi 32:47

Dess sinn nett yusht leahri vadda fa eich avvah si sinn eiyah layva. Bei dee vadda zayla diah lang layva im land es diah ivvah da Jordan nivvah gaynd fa ivvah-nemma.”

1. Thessalonicher 5:21

avvah broviahret alles aus, un vass goot is, haldet.

Di Apostelgeschichte 11:23

Vo da Barnabas hee kumma is, hott eah di gnawdi Gottes ksenna un voah froh. Eah hott eena zu kshprocha es si mitt iahrem gans hatz fesht am Hah bleiva sella.

Di Apostelgeschichte 2:42

Si sinn awl bei di yingah iahra leah geblivva, un henn mitt-nannah gedeend, broht gebrocha, un gebayda.

Johannes 6:68

Da Simon Petrus hott eem andvat gevva, “Hah, zu vemm kenna miah gay? Du hosht di vadda fumm ayvicha layva.

Di Offenbarung 12:11

Si sinn een ivvah-kumma deich's bloot fumm Lamm, un deich's vatt funn iahra zeiknis, un si henn iahra layva nett gleebt even biss an da doht.

Di Offenbarung 2:13

Ich vays vass du dusht un vo du voonsht, datt vo da Satan sei shtool hott. Du haldsht mei nohma un hosht mei glawva nett falaykeld, even in di dawwa fumm Antipas, mei shtandhaftichah zeiya, vo doht gmacht voah unnich eich, datt vo da Satan voond.

Hohches Leet 3:4

Grawt noch demm es ich si falossa habb, habb ich sellah kfunna es mei hatz leeb hott. Ich habb een kohva un habb nett gay glost funn eem biss ich een zu mei maemm iahra haus gebrocht habb, an di shtubb es ich geboahra voah drinn.

Breddichah 7:12

Veisheit gebt acht uf dich so vi geld acht gebt uf dich, avvah's goot ding veyyich veisheit is es es layva gebt zu sellah es es hott.

Shpricha 3:22

Si zayla layva sei fa dei sayl, un vi ebbes shaynes um dei hals rumm.

1. Mosi 32:26

No hott da mann ksawt, “Loss mich gay, 'sis nau shund dawk.” Avvah da Jakob hott ksawt, “Ich loss dich nett gay biss du mich saykendsht.”

Johannes 6:63

Es is da Geisht vo layva gebt; dess flaysh zayld fa nix. Di vadda vo ich ksawt habb zu eich sinn geisht un layva.

Shpricha 6:23

Fa dee gebodda sinn en licht, es ksetz is helling, un di famohninga fa recht do sinn da vayk fumm layva.

Shpricha 8:35

Veah mich find, find layva, un vatt kfellich zumm Hah.

Shpricha 10:17

Veah sich famohna lost is uf em vayk zu layva, avvah veah's recht-setza nett ohnemd gayt fafiaht.