Shpricha 30:5 - Pennsylvania Dutch Bible

⁵ Alli vatt funn Gott is voah; eah is en shield zu selli es eem drauwa.

Shpricha 30:5 Referans Kwoze

Psalm 18:30

Gott sei vayya sinn gans folkumma; em Hah sei vadda sinn voah. Eah is en shield fa awl selli es eem drauwa.

Jakobus 3:17

Avvah di veisheit funn ovva-heah is seahsht rein, no fridlich, freindlich, mitt-leidich, foll bamhatzichkeit un goodi frucht, unni unnahshitt un is unni falshheit.

Psalm 84:11

Fa Gott da Hah is en sunn un en shield; da Hah gebt gnawt un hallichkeit. Eah haybt nix goodes zrikk funn selli es ufrichtich lawfa.

Psalm 12:6

Di vadda fumm Hah sinn pyuah, vi silvah kshmolsa in en eahdichah offa, sivva mohl greinicht.

Psalm 3:3

Avvah du bisht en shield um mich rumm, oh Hah, du gebsht miah eah un haybsht mei kobb uf.

Psalm 119:140

Dei vatt kann falossa sei druff, un dei gnecht hott's leeb.

Psalm 91:2

Ich zayl zumm Hah sawwa, “Du bisht mei sayfah Roo-Blatz, un mei shteik Greeks-Haus; du bisht mei Gott es ich drauwa du.”

1. Mosi 15:1

Noch demm is es vatt fumm Hah zumm Abram kumma in en vision un's hott ksawt, “Feich dich nett, Abram, ich binn dei shield, un dei grohsi betzawling.”

Römer 7:12

So's Ksetz is heilich, un's gebott is heilich, recht un goot.

Psalm 144:2

Da Hah is en Felsa un en shteik greeks-haus zu miah, eah is en shteik gebei un eah setzt mich frei. Eah is mei shield un hald mich aus di kfoah, eah dutt di leit ivvah-kumma un dutt si unnich mich.

Psalm 19:8

Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.

2. Samuel 22:31

Un veyyich Gott, sei vayya sinn gans folkumma; 's vatt fumm Hah is gans voah. Eah is en shield zu selli es sich falossa uf een.

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Shpricha 2:7

Eah shtoaht veisheit uf fa selli es ufrichtich sinn, un is en shield fa selli es lawfa in unshuld,

Psalm 18:31

Fa veah is Gott, vann nett da Hah? Un veah is en Felsa, vann nett unsah Gott?

Shpricha 29:25

Di furcht fumm mensh setzt en fall, avvah veah sich falost uf da Hah, bleibt aus di kfoah.