2 Fa si zayla diah en lang layva, langi yoahra, un fridda bringa.
So heich mich ab, mei kind, un nemm oh vass ich sawk, no zaylsht du en lang layva havva.
Fa deich mich vadda dei dawwa feel, un di yoahra funn deim layva vadda may.
Ich zayl een zufridda macha mitt en lang layva, un zayl eem mei saylichkeit veisa”.
Ich bitt es da Gott funn hofning eich fild mitt frayt un fridda im glawva, so es diah vaxet in di hofning deich di graft fumm Heilicha Geisht.
un du zaylsht layva fa dei kinnah iahra kinnah sayna. Fridda sei uf Israel!
Selli es dei ksetz leeb henn, henn grohsah fridda, un nix kann si shtolbahra macha.
Di furcht fumm Hah macht's layva lengah, avvah di yoahra funn di gottlohsa vadda fakatzt.
Es dutt samm goot fa's nadiahlich leib shaffa un's ksund halda, avvah di Gottheit in uns is goot in alli veyya, veil dess en fashpreching haybt fa dess layva un's nekshta.
Fasell, siddah es miah gerecht gmacht sinn deich da glawva, henn miah fridda mitt Gott deich unsah Hah Jesus Christus.
Eah hott dich kfrohkt fa layva, un du hosht eem's gevva, en lang layva, fa'immah un immah.
Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht.
Di frucht funn gerechtichkeit zayld fridda sei, un sell vass aus gerechtichkeit kumd is shtilli roo un fadrauwes fa'immah.
Du kumsht an's grawb an en goodi eld, vi zeidichi vaytza-shayb an di eahn.
Dess is so es diah un eiyah kinnah lang layvet im land es da Hah kshvoahra hott fa eiyah foah-feddah gevva so lang es da himmel ovvich di eaht bleibt.
Un vann du in mei vayya lawfsht, un haldsht mei adninga un gebodda vi dei faddah da Dawfit hott, dann gevvich diah en lang layva.”
Veis-grohwi hoah is vi en krohn funn hallichkeit, un is fadeend bei en gerecht layva fiahra.
So nau gevvet acht es diah grawt doond vi da Hah eiyah Gott eich gebodda hott. Doond nett uf di rechts seit adda di lings seit drayya.
hott mei daett mich gland un hott ksawt, “Nemm hohld funn mei vadda mitt deim gans hatz; hald mei gebodda un du zaylsht layva.