Shpricha 29:3 - Pennsylvania Dutch Bible

³ Veah veisheit leeb hott macht sei daett froh, avvah veah sich uf hald mitt huahra fablohst sei geld.

Shpricha 29:3 Referans Kwoze

Shpricha 27:11

Grikk veisheit, mei sohn, un bring frayt zu meim hatz, no habb ich en goot andvat zu selli es geyyich mich shvetza.

Lukas 15:30

Avvah vo deah boo funn deim haym kumma is, noch demm es eah dei geld awl fablohsa katt hott uf huahra, hosht du en fett kalb kshlachta fa een!’

Shpricha 15:20

En boo mitt veisheit macht sei daett froh, avvah en dummah mann gebt nix um sei maemm.

Shpricha 10:1

Dess sinn em Solomon sei shpricha: En boo mitt veisheit macht sei daett froh, avvah en unksheidah boo macht sei maemm bedreebt.

Lukas 15:13

Glei noch sellem, hott da yingsht boo alles zammah gegeddaht es eah katt hott, un is uf en langah trip ganga in en annah land. Datt hott eah awl sei geld deich gyawkt mitt vild un lohs layva.

Shpricha 28:7

En boo es es ksetz hald hott veisheit, avvah aynah es sich uf hald mitt fressah shohmd sei daett.

Shpricha 6:26

Fa en huah lost ebbah mitt yusht ay layb broht, un en aybrechichi fraw nemd eem sei layva vekk.

Shpricha 21:17

Sellah es blesiah gleicht zayld oahm vadda; sellah es vei un ayl gleicht zayld nett reich vadda.

Shpricha 28:19

Veah-evvah es sei land shaft, zayld feel broht havva, avvah veah unaydichi sacha nohch gayt, zayld oahrich oahm sei.

Shpricha 23:15

Mei sohn, vann dei hatz veisheit hott, dann is mei hatz aw froh.

Shpricha 21:20

Keshtlich sach un ayl is in di haymeda funn selli mitt veisheit, avvah dummi leit essa's alles uf.