Shpricha 21:15 - Pennsylvania Dutch Bible

¹⁵ Di gerechta sinn froh vann ebbes feah ausgedrawwa is, avvah's bring furcht zu di evil-shaffah.

Shpricha 21:15 Referans Kwoze

Shpricha 10:29

Da vayk fumm Hah is en Roo-Blatz zu di ufrichticha, avvah sei vayk bringd fadauves zu selli es letz doon.

Matthäus 7:23

No zayl ich grawt raus sawwa zu eena, ‘Ich vays nix funn eich, diah sindah, gaynd vekk funn miah!’”

Jesoiya 64:5

Du kumsht zu selli es fraylich sinn am gerechtichkeit du, un es an dei vayya denka. Avvah du voahsht bays vo miah ohkalda henn sindicha, so vi sella miah saylich vadda?

Breddichah 3:12

Ich vays es nix bessah is fa da mensh es fa fraylich sei un goot du diveil es eah laybt;

Shpricha 21:12

Sellah Gerecht nemd acht vass am ohgay is im haus funn di gottlohsa, un eah bringd di gottlohsa nunnah zu nix.

Shpricha 5:20

Mei kind, favass setsht du uf gnumma sei mitt en aybrechichi fraw? Favass setsht du en anrah mann sei fraw in dei eahm nemma?

Psalm 119:16

Ich habb frayt in dei gebodda, un zayl dei vatt nett fagessa.

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Psalm 40:8

Ich froi mich fa dei villa du, oh mei Gott, dei Ksetz is in meim hatz.”

Römer 7:22

Ich habb grohsi frayt im Ksetz funn Gott in meim innahlichah mensh.

Johannes 4:34

Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.

Psalm 119:92

Vann dei ksetz nett mei drohsht gvest veah, dann veah ich kshtauva in mei aylend.

Shpricha 21:16

Ennich ebbah es vekk lawft funn goodah fashtand, zayld uf enda in di fasamling funn di dohda.