Shpricha 21:1 - Pennsylvania Dutch Bible

¹ Em kaynich sei hatz is in di hand fumm Hah; vi vassah am lawfa, so fiaht eah eem sei hatz anna vo eah vill.

Shpricha 21:1 Referans Kwoze

Shpricha 16:9

En mann macht aus vass eah du zayld, avvah da Hah fiaht sei shritt.

Shpricha 20:24

En mann sei shritt sinn kfiaht beim Hah, vi kann en mann sei ayknah vayk vissa?

Ezra 6:22

Un si henn's Unksavvaht Broht Fesht kalda fa sivva dawk mitt frayt, veil da Hah si kfild hott mitt frayt bei em kaynich funn Assyria sei hatz freindlich drayya geyyich si, un eena kolfa hott mitt di eahvet uf em haus funn Gott, da Gott funn Israel.

Di Apostelgeschichte 7:10

Gott hott eem raus kolfa in awl sei druvla, un hott eem veisheit gevva es da Pharao, da kaynich funn Egypta, feel gedenkt hott funn eem. Eah hott een govvenah gmacht ivvah Egypta un ivvah sei gansi haus-haldung.

Shpricha 16:1

Vass da mensh im sinn hott fa du kumd fumm mensh, avvah sell es di zung sawwa soll kumd fumm Hah.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Psalm 106:46

Eah hott gmacht es si gedavvaht voahra bei awl selli es si kfanga kohva henn.

Jesoiya 43:19

Gukket moll, ich zayl en nei ding du! 'Sis nau shund am blatz nemma; kennet diah's nett sayna? Ich zayl en vayk macha deich di vildahnis, un vassah-grikka deich's drukka land.

Psalm 105:25

Eah hott di Egyptah gmacht sei leit hassa, un si henn shlichtich kshaft geyyich sei gnechta.

Nehemia 2:4

No hott da kaynich ksawt zu miah, “Vass vitt du havva?” Ich habb no zumm Gott fumm himmel gebayda,

Nehemia 1:11

Oh Hah, loss dei oah abheicha zumm gebayt funn dei gnecht, un zumm gebayt funn dei gnechta, dee es gleicha dei nohma uf hayva. Mach's alles goot ausshaffa fa dei gnecht heit fannich em kaynich.” Ich voah em kaynich sei vei-gevvah an selli zeit.

Psalm 74:15

Du hosht di shprings un di grikka uf gmacht, un hosht di grohsa revvahra ufgedrikkeld.

Jesoiya 44:27

deah es zumm deefa vassah sawkt, ‘Drikkel uf, un ich drikkel eiyah revvahra uf,’

Psalm 93:4

Graysah es di yacht funn grohsi vassahra; graysah es di hohcha vella fumm say, is da Hah, hohch un mechtich.

Di Offenbarung 16:12

No hott da sext engel sei shissel ausgleaht uf da grohs Euphrates Revvah, un iahra vassah is ufgedrikkeld fa da vayk rishta fa di kaynicha funn di east.

Di Offenbarung 16:4

Da dritt engel hott sei shissel ausgleaht in di revvahra un in di vassah-shpringa, un si sinn bloot vadda.

Psalm 114:5

Favass bisht du difunn kshprunga, oh say, un du, Jordan Revvah, es du zrikk gedrayt bisht?

Psalm 114:3

Da say hott gegukt un is difunn kshprunga; da Jordan Revvah is zrikk gedrayt.

Jeremia 39:12

“Nemm een un gebb acht uf een; du eem nix un du vass eah havva vill.”

2. Mosi 7:3

Avvah ich zayl em Pharao sei hatz hatt macha so es ich may funn mei zaycha un vundahra du kann im land Egypta.

2. Kaynicha 19:33

Eah gayt zrikk da vayk es eah kumma is, un zayld nett in di shtatt nei gay.” Dess sawkt da Hah.

Ezra 1:1

Im eahshta yoah fumm Kaynich Cyrus funn Persia—so es em Hah sei vatt folfild vatt es da Jeremia gebroffetzeit katt hott—dann hott da Hah em Kaynich Cyrus funn Persia sei geisht gmacht eem's in sinn du fa en ausroofes macha gans deich sei kaynich-reich un's nunnah shreiva lossa:

Ezra 1:2

“Dess is vass da Cyrus, da kaynich funn Persia, sawkt: ‘Da Hah, da Gott fumm himmel, hott miah awl di kaynich-reicha funn di eaht gevva un hott miah ksawt fa eem en haus bauwa an Jerusalem in Juda.

Nehemia 2:8

Un dauf ich en breef havva zumm Asaph, da ivvah-saynah fumm kaynich sei bush, so es eah miah hols gebt fa balka macha fa di doahra fumm greeks-gebei beim tempel, fa di shtatt-mavvah un fa's haus es ich drinn voona vill?” Un da kaynich hott miah dee breefa gevva veil di gnaydich hand funn meim Gott uf miah voah.

Esther 2:17

Nau da kaynich hott di Esther leeb katt, may es awl di anra veibsleit, un see hott sei gnawt un bamhatzichkeit gvunna, may es awl di anra yungi mayt. So hott eah en kaynichah krohn uf iahra kobb gedu un hott see di kaynich-fraw gmacht in blatz funn di Vashti.