Shpricha 2:10 - Pennsylvania Dutch Bible

¹⁰ Fa veisheit zayld in dei hatz kumma, un eisicht zayld blesiahlich sei zu dei sayl.

Shpricha 2:10 Referans Kwoze

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Kolosser 3:16

Losset's Vatt funn Christus in eich voona in alli veisheit, vi diah nannah lannet un famohnet mitt psaltah un lohb-leedah un geishtlich singes. Singet zumm Hah mitt gnawt in eiyah hatza.

Hiob 23:12

Ich habb's gebott funn sei leftz nett ivvah-gedredda; di vadda funn sei maul sinn may keshtlich zu miah es ess-sach.

Psalm 119:162

Ich froi mich ivvah dei vatt, so es vi ebbah es oahrich keshtlich sach find.

Psalm 104:34

Loss mei gedanka veyyich eem kfellich sei zu eem; ich froi mich im Hah.

Psalm 19:10

Si sinn may veaht es gold, even's feinsht gold. Si sinn seesah es hunnich, even pyuahrah hunnich.

Psalm 119:111

Dei zeiknisa sinn mei eahbshaft fa'immah, fa si sinn di frayt funn meim hatz.

Shpricha 14:33

Di veisheit is im hatz funn selli mitt eisicht, un even zu di unksheida macht see sich bekand.

Psalm 119:103

Oh, vi sees sinn dei vadda zu miah, seesah es hunnich zu mei maul.

Psalm 119:97

Oh, vi leeblich is dei ksetz zu miah! Ich denk drivvah da gans dawk lang.

Shpricha 1:4

so es selli vo nett kshvind fashtayn, gland vadda, un so es di yungi leit eisicht un fashtand greeya.

Shpricha 22:18

Fa's zayld leeblich sei vann du dee vadda im sinn haldsht, un si awl grisht haldsht uf dei leftz.

Shpricha 4:6

Faloss di veisheit nett, un see gebt acht uf dich; hald see leeblich, un see vatsht ivvah dich.