Shpricha 19:7 - Pennsylvania Dutch Bible

⁷ En oahmah mann is kast bei sei breedah; vi feel may doon sei freind sich vekk halda funn eem! Eah gayt eena nohch mitt vadda, avvah si kenna nett kfunna sei.

Shpricha 19:7 Referans Kwoze

Shpricha 19:4

Bei reich sei grikt ma feel freind, avvah da oahm mann vatt falossa bei sei freind.

Shpricha 21:13

Veah sei oahra zu shtobt zumm roofes funn di oahma, zayld selvaht aw naus roofa un nett keaht sei.

Shpricha 18:23

Di oahma missa ohhalda un bedla, avvah di reicha shvetza veesht zrikk.

Psalm 38:11

Mei kumrawda un mei freind halda sich vekk funn miah deich mei granket, un mei freindshaft hald sich veit vekk.

Jakobus 2:6

Avvah diah hend da oahm mann fa'acht. Sinn's nett di reicha vo eich nunnah dredda, un eich in di richtah heisah shlayfa?

Shpricha 14:20

Di oahma sinn nunnah gedu even bei iahra nochbahra, avvah di reicha henn feel freind.

Psalm 88:18

Awl mei freind un naykshti hosht du gmacht mich falossa, un's is dunkel vo-evvah es ich binn.

Psalm 88:8

Du hosht awl mei freind gmacht mich falossa; du hosht mich grausam gmacht zu eena; ich binn kfanga un kann nett vekk.

Shpricha 10:15

'S geld fumm reicha is sei shteiki shtatt, avvah di oahma gayn unnah veil si kenn geld henn.

Psalm 38:12

Selli es mich doht macha vella, shtella falla fa mich; selli es miah vay du vella shvetza veyyich miah shawda du, un si macha aus da gans dawk vi si mich ohfiahra vella.

Shpricha 27:10

Faloss dei freind adda dei faddah sei freind nett, un gay nett zu deim broodah sei haus uf em dawk funn druvvel. 'Sis bessah fa zu deim naykshtah nochbah gay, es vi zu deim broodah es veit ab is.