Shpricha 17:16 - Pennsylvania Dutch Bible

¹⁶ Vass goot is geld fa veisheit kawfa in di hand funn en unksheidah, vann eah's nett dutt fa lanna?

Shpricha 17:16 Referans Kwoze

Shpricha 23:23

Kawf di voahheit un du see nett fakawfa, grikk veisheit, lanning un eisicht.

Shpricha 18:15

Di shmeaht meind grikt noch may lanning, un's oah mitt veisheit sucht eisicht.

2. Korinther 6:1

Miah, dann, vo mitt-helfah sinn zu eem, famohna eich es diah di gnawdi Gottes nett ohnemmet fa nix.

5. Mosi 5:29

Oh, vann si yusht immah so feela dayda mitt furcht im hatz un awl mei gebodda halda iahra layva lang, so es es goot gay dayt mitt eena un iahra nohch-kummashaft fa'immah!

Di Apostelgeschichte 13:46

No hott da Paulus un da Barnabas frei raus kshvetzt un henn ksawt, “Es voah nohtvendich es miah's Vatt Gottes seahsht zu eich sawwa. Avvah miah sayna es diah's yusht vekk doond funn eich, un richtet es diah's nett veaht sind fa ayvich layva havva, so gayn miah zu di Heida.

Johannes 3:20

Fa alli-ebbah es evil dutt, hast's licht, un hald sich vekk funn di helling, fafiah es sei verka auskfunna vadda un kshtrohft vadda.

Hosea 4:11

Huahrahrei, vei un neiyah vei hott iahra fashtand vekk gnumma.

Shpricha 14:6

En shpoddah sucht fa veisheit un find see nett, avvah eisicht kumd kshvind zu di ksheida.

Shpricha 24:7

Veisheit is zu deef fa en unksheidah mann, eah macht sei maul nett uf in di fasamling am doah.