Shpricha 16:21 - Pennsylvania Dutch Bible

²¹ En mann mitt veisheit vatt ohksenna es aynah mitt eisicht, un leeblichi vadda macht leit noch may eisayna mitt eem.

Shpricha 16:21 Referans Kwoze

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Shpricha 15:7

Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Shpricha 27:9

Goot-shmakkich ayl un insens macht's hatz froh, un en mann sei roht is sees zu sei freind.

Jakobus 3:17

Avvah di veisheit funn ovva-heah is seahsht rein, no fridlich, freindlich, mitt-leidich, foll bamhatzichkeit un goodi frucht, unni unnahshitt un is unni falshheit.

Johannes 7:46

Di gnechta henn ksawt, “Nimmand hott selayva kshvetzt vi deah mann.”

Lukas 4:22

Si henn awl goot kshvetzt veyyich eem, un henn gvunnaht veyyich di goodi vadda es eah ksawt hott; un si henn ksawt, “Is dess nett em Joseph sei boo?”

Breddichah 12:10

Da Breddichah hott ksucht fa di rechta vadda, un vass eah kshrivva hott voah ufrichtich un di voahheit.

Shpricha 23:15

Mei sohn, vann dei hatz veisheit hott, dann is mei hatz aw froh.

Shpricha 10:8

Ebbah mitt veisheit im hatz dutt vass eah kaysa is, avvah ebbah es dumhayda shvetz kumd zu nix.

Psalm 45:2

Du bisht da shensht unnich di mensha-kinnah; dei leftz sinn ksalbt mitt gnawt, un Gott hott dich ksaykend fa'immah.

1. Kaynicha 3:12

dann zayl ich du vass du kfrohkt hosht difoah. Ich gebb diah en hatz mitt fashtand un veisheit, so es nee nimmand gvest voah vi du, un aw nee nimmand sei zayld.

Römer 16:19

Alli-ebbah hott keaht vi diah Gott nohch folyet. Fasell, froi ich mich ivvah eich, avvah ich vill havva es diah veisheit hend veyyich goodi sacha, un eich unshuldich haldet veyyich evili sacha.

Matthäus 11:25

An selli zeit hott Jesus gebayda un hott ksawt, “Ich dank dich, Faddah un Hah fumm Himmel un di eaht, es du dee sacha zrikk kalda hosht funn dee vo veisheit henn un gland sinn, un hosht si gvissa zu denna vo sinn vi kinnah.

Shpricha 16:22

Di veisheit is en shpring funn layva zu selli es veisheit henn, avvah dummi leit sinn kshtrohft bei iahra dumhayda.

Hosea 14:9

Veah hott veisheit? Eah fashtayt dee sacha. Veah hott eisicht? Eah fameikt si. Di vayya fumm Hah sinn recht; un di gerechta lawfa drinn, avvah di ivvah-dreddah shtolbahra drinn.

Shpricha 10:13

Veisheit is kfunna uf di leftz funn di fashtendlicha, avvah en gayshel is fa da bukkel funn di unfashtendlicha.

Shpricha 10:23

En unksheidah mensh gleicht letz du, avvah en mann mitt eisicht gleicht veisheit.