Shpricha 16:16 - Pennsylvania Dutch Bible

¹⁶ Es is bessah fa veisheit greeya es vi fa gold havva, un's is bessah fa eisicht nemma es vi silvah.

Shpricha 16:16 Referans Kwoze

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Shpricha 8:19

Mei frucht is bessah es gold, even es fei gold, un vass ich gebb is bessah es es besht silvah.

Breddichah 7:12

Veisheit gebt acht uf dich so vi geld acht gebt uf dich, avvah's goot ding veyyich veisheit is es es layva gebt zu sellah es es hott.

Shpricha 4:7

Da ohfang funn di veisheit is dess: Grikk veisheit, es macht nix aus vass es dich kosht, grikk eisicht.

Lukas 12:21

So is es fa deah vo feel nadiahlichi sacha uf laykt fa sich selvaht un is nett reich in Gott.”

Psalm 119:127

Fasell habb ich dei gebodda leeblich, may es gold, yau, may es fei gold.

Shpricha 3:14

Veisheit is may veaht zu diah es silvah, un du griksht may raus difunn es funn gold.

Shpricha 4:5

Grikk veisheit, grikk fashtand, fagess di vadda funn mei maul nett, un dray nett vekk funna.

Shpricha 2:4

un vann du sell suchsht es vi fa silvah, un guksht difoah es vi fa keshtlich fashtekkeld sach,

Shpricha 3:13

Ksaykend is da mann es veisheit find, un aw da mann es eisicht grikt.