Shpricha 15:21 - Pennsylvania Dutch Bible

²¹ Dumheit is en frayt zu di unksheida, avvah en fashtendlichah mann lawft grawt.

Shpricha 15:21 Referans Kwoze

Epheser 5:15

So saynet es diah acht gevvet vi diah lawfet, nett vi selli unni veisheit, avvah vi selli es veisheit henn.

Shpricha 10:23

En unksheidah mensh gleicht letz du, avvah en mann mitt eisicht gleicht veisheit.

Shpricha 14:16

En mann mitt veisheit gebt acht un drayt vekk funn evil, avvah en dummah mann gebt nix drumm un is unbekimmaht.

Shpricha 14:9

Unksheidi leit macha en kshpott funn sinda, avvah ufrichtichi leit sinn froh fa fagevva sei.

Shpricha 11:12

En unksheidah mensh dutt sei nochbah nunnah, avvah en ksheidah mensh bleibt shtill.

Jakobus 3:13

Veah is en mensh mitt veisheit un eisicht unnich eich? Deich sei goot layva loss een sei verka veisa mitt daymoot un veisheit.

Psalm 111:10

Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Hiob 28:28

Un zumm mensh hott eah ksawt, ‘Gukk moll, di furcht fumm Hah, sell is veisheit, un fa sich vekk halda funn evil, sell is fashtendes.’”

Shpricha 14:8

Ebbah es veisheit hott, hott di gawb fa da recht vayk gay, avvah unksheidi leit fafiahra sich selvaht un gayn letz.

Shpricha 15:22

Unni roht gayt sell letz vass ma im sinn hott fa du, avvah mitt feel roht shaft alles goot aus.

Shpricha 4:25

Loss dei awwa grawt fanna naus gukka, hald oh grawt fannich dich vatsha.

Shpricha 4:26

Hald di pawt grawt vo dei fees lawfa, un alles es du dusht drayt recht aus.