Shpricha 15:13 - Pennsylvania Dutch Bible

¹³ En fraylich hatz macht en fraylich ksicht, avvah vann's hatz bedreebt is, dann hott da geisht moot faloahra.

Shpricha 15:13 Referans Kwoze

Shpricha 17:22

En fraylich hatz macht ebbah ksund, avvah en bedreebdah geisht drikkeld di gnocha uf.

Johannes 14:1

“Losset eiyah hatza nett gedruvveld sei; glawvet an Gott un glawvet aw an mich.

Shpricha 18:14

En mann sei geisht helft eem deich di grankheit, avvah vann da moot faloahra is, veah kann's drawwa?

Shpricha 12:25

En engshtlich hatz drikt en mann nunnah, avvah en freindlich vatt gebt eem frayt.

Shpricha 15:15

Awl di dawwa funn di bedreebda sinn hatt, avvah en fraylich hatz is vi en grohs essa alli dawk.

2. Korinther 7:10

Fa gettlichi dreebsawl macht ebbah boos du un sell bringd ebbah zu di saylichkeit, un dutt nimmand shpeida. Avvah veldlichi dreebsawl shaft zumm doht.

2. Korinther 2:7

So nau, im blatz funn sellem, seddet diah een fagevva un een drayshta, so es eah nett ivvah-gnumma vatt mitt grohsi dreebsawl.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Nehemia 2:2

so hott da kaynich mich kfrohkt, “Favass is dei ksicht bedreebt vann du nett grank bisht? Dess kann nix annahshtah sei es en shveah hatz.” No habb ich mich veesht kfeicht.

Shpricha 14:30

En meind es fridda hott, gebt em leib ksundheit, avvah fagunsht fafauld di gnocha.