14 Di lanning es gevva is bei selli mitt veisheit, is en shpring funn layva, un hald ebbah aus em fang-shtrikk fumm doht.
Es maul funn di gerechta is vi en vassah-shpring funn layva, avvah unfashtand dekt's maul funn di gottlohsa zu.
Di shtrikk fumm grawb sinn um mich rumm gvest, un da doht hott sei fall ksetzt katt fa mich.
Di furcht fumm Hah is en shpring funn layva, un hald ebbah aus em fang-shtrikk fumm doht.
Da vayk funn di ufrichticha drayt vekk funn evil, un veah sei vayk vatsht hald sei layva.
Da shtrikk fumm doht hott mich kfanga, da angsht fumm grawb is ivvah mich kumma, ich voah ivvah-gnumma mitt bang un dreebsawl.
Di veisheit is en shpring funn layva zu selli es veisheit henn, avvah dummi leit sinn kshtrohft bei iahra dumhayda.
Deich shtandhaftichi-leevi un voahheit vadda sinda fagevva, un deich di furcht fumm Hah hald en mann sich vekk funn evil.
Da vayk funn layva fiaht nuff-zuss fa selli mitt veisheit, so es si nett nunnah in's grawb gayn.
Fa deich mich vadda dei dawwa feel, un di yoahra funn deim layva vadda may.
Un du solsht ksaykend sei fa dei goodah fashtand, un fa mich halda funn bloot fageesa deah dawk, un fa mich halda funn evil zrikk betzawla mitt mei aykni hend.