Shpricha 13:13 - Pennsylvania Dutch Bible

¹³ Veah's vatt fa'acht, bringd sich selvaht zu nix, avvah veah's gebott fircht, grikt en fadeensht.

Shpricha 13:13 Referans Kwoze

4. Mosi 15:31

Veil eah em Hah sei vatt niddah gezayld hott un sei gebott nett kalda hott, dann muss eah abkshnidda sei, un sei shuld bleibt uf eem.’”

2. Johannes 1:8

Vatshet eich, es miah nett faliahra vass miah kshaft henn difoah, avvah es miah en follah lohn greeya.

2. Chronik 36:16

Avvah si henn Gott sei vatt fa'acht un selli fashpott es es gedrawwa henn; si henn Gott sei brofayda falacht, biss em Hah sei zann ufkshtatt voah geyyich sei leit un kenn vayk voah fa's shtobba.

Psalm 119:165

Selli es dei ksetz leeb henn, henn grohsah fridda, un nix kann si shtolbahra macha.

Ezekiel 20:13

Avvah di Kinnah-Israel henn sich geyyich mich kshteld in di vildahnis. Si sinn nett in mei gebodda gloffa un henn mei ksetza nunnah gedrayt, dee es da mensh laybt dibei es si hald. Un si henn aw mei Sabbada unheilich gmacht. So habb ich ksawt ich zayl mei zann ausleahra uf si un si gans umbringa in di vildahnis.

Psalm 19:11

Un deich si, dutt dei gnecht gvand vadda, veah si halda dutt, hott en grohsah lohn.

Ezekiel 20:16

Dess voah veil si mei ksetza nunnah gedrayt henn, sinn nett in mei gebodda gloffa un henn mei Sabbada unheilich gmacht. Iahra hatza voahra yusht ivvah-gevva zu iahra abgettah.

Ezekiel 20:24

Dess voah veil si mei ksetza nett kalda henn, avvah mei gebodda nunnah gedrayt henn, mei Sabbada unheilich gmacht henn un iahra awwa uf di abgettah funn iahra feddah katt henn.

Jesoiya 66:2

Hott nett mei hand awl dee sacha gmacht, un gmacht es si do sinn?” sawkt da Hah. “Avvah dess is da mensh es ich ditzu gukk, sellah es daymeedich is mitt en gebrocha hatz, un es en furcht hott fa mei vatt.

Shpricha 13:21

Druvvel gayt sindah nohch, avvah di gerechta vadda zrikk betzawld mitt goodi sacha.

Shpricha 1:25

Diah hend awl mei roht fa'acht, un hend mei shtrohf nett havva vella.

Psalm 115:13

Eah saykend selli es da Hah firchta, di grohsa un di glenna.

Lukas 16:31

Da Abraham hott ksawt, ‘Vann si nett da Mosi un di brofayda heahra, dann doon si aw nett glawva vann ebbah uf shtayt funn di dohda.’”

Maleachi 3:16

No henn selli mitt di furcht fumm Hah kshvetzt zu nannah un da Hah hott si keaht un hott si abkeicht, un's voah en ohdenkes-buch kshrivva fannich eem veyyich selli es da Hah kfircht henn un eem eah gevva henn.

Matthäus 5:12

Froiyet eich un seind oahrich fraylich. Eiyah fadeensht im Himmel zayld grohs sei, fa si henn di brofayda aw fafolkt, vo do voahra eb diah.”

Jeremia 43:2

hott da Asaria, em Hosaia sei boo, un da Johanan, em Kareach sei boo, un awl di anra shtolsa mennah ksawt zumm Jeremia, “Du bisht am leeya! Da Hah unsah Gott hott dich nett kshikt fa sawwa, ‘Diah misset nett noch Egypta gay fa datt voona.’

Ezra 10:3

Nau vella en bund macha mitt unsah Gott fa awl dee veibsleit un iahra kinnah vekk du funn uns. Miah vella du vi du un anri es Gott sei gebodda firchta uns grohda henn. Loss gedu sei vi's sawkt im ksetz.

2. Mosi 9:20

Selli fumm Pharao sei gnechta es furcht katt hott fa Gott sei vatt, henn iahra gnechta un fee gmacht rei kumma in di gebeiyah.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Shpricha 19:16

Sellah es es gebott hald, hald sei sayl; avvah sellah es sei vayk nett vatsht, kumd um.

Psalm 19:12

Veah kann sei aykni faylah sayna? Fagebb miah di sinda es fashtekkeld sinn zu miah.

Shpricha 16:20

Veah-evvah es acht gebt vann eah ebbes dutt, zayld goot du, un ksaykend is sellah es sei fadrauwa in da Hah dutt.