Shpricha 12:7 - Pennsylvania Dutch Bible

⁷ Di gottlohsa vadda kshtatzt un zayla nimmi sei, avvah's haus funn di gerechta shtayt shtandhaftich.

Shpricha 12:7 Referans Kwoze

Shpricha 11:21

Du kansht dich falossa druff es di gottlohsa nett unkshtrohft gayn, avvah selli es gerecht sinn vadda frei ksetzt.

Shpricha 10:25

Vann da shtoahm moll fabei is, dann sinn di gottlohsa nimmi datt, avvah di gerechta shtayna shtandhaftich fa'immah.

Hiob 11:20

Avvah di awwa funn di gottlohsa gukka unni's fashtay, si kenna nett lohs glost sei; iahra letshti hofning is yusht fa iahra letshtah ohften shnaufa.”

Esther 9:14

So hott da kaynich ksawt dess soll gedu sei. En gebott voah gevva in Susa, un si henn em Haman sei zeyya boova kanka.

2. Samuel 7:26

so es dei nohma grohs sei zayld fa'immah, un leit sawwa zayla, ‘Da Awlmechtich Hah is da Gott funn Israel;’ un's haus funn deim gnecht, da Dawfit, vatt ufksetzt un ohkalda fannich diah.

2. Samuel 7:16

Dei haus un dei kaynich-reich zayld ayvichlich shtay fannich miah; dei kaynich-shtool zayld eiksetzt sei fa'immah.’”

Shpricha 15:25

Da Hah reist's haus funn di shtolsa nunnah, avvah eah vatsht ivvah's land funn di vitt-fraw.

Shpricha 14:11

'S haus fumm gottlohsa vatt zammah grissa, avvah da tent fumm ufrichticha bleibt shtay.

Shpricha 14:1

Di fraw mitt veisheit baut iahra haus uf, avvah en unksheit veibsmensh fadaubt iahra's bei vass see dutt.

Psalm 37:10

Noch en glenni zeit, un di gottlohsa sinn nimmi do, even vann du guksht fa si, kenna si nimmi kfunna sei.

Hiob 34:25

Veil eah iahra verka alles vayst, dann shtatzt eah si deich di nacht, so es si gans nunnah gedredda vadda.

Shpricha 12:8

En mann vatt glohbt fa sei veisheit, avvah en mann mitt en fashtatzti meind vatt fa'acht.