Shpricha 12:5 - Pennsylvania Dutch Bible

⁵ Di gedanka es di gerechta henn sinn recht, avvah da roht funn di gottlohsa is fafiahrich.

Shpricha 12:5 Referans Kwoze

Jesoiya 55:7

Loss da gottlohs mensh sei vayk falossa, un da evil mensh sei gedanka. Loss een sich zumm Hah drayya, un eah zayld bamhatzich sei zu eem; loss een sich zu unsah Gott drayya, veil eah een geahn fagebt.

Psalm 139:23

Gukk in mei innahlichah mensh, oh Gott, un sayn vass in meim hatz is, broviah mich un sayn mei engshtlichi gedanka.

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

2. Korinther 4:2

Avvah miah henn nix zu du mitt sacha vo hinna rumm un shandlich sinn, un miah lawfa nett shlichtich rumm. Miah fadrayya nett Gott sei Vatt, avvah deich di voahheit ufrichtich bekenna, doon miah uns ufrichtich veisa fannich Gott in di innahlicha gedanka funn awl mensha.

1. Korinther 4:5

Fasell, richtet nix eb's zeit is. Voahdet biss da Hah kumd. Eah zayld alles aus em dunkla raus in di helling bringa, un zayld leit iahra hatza un gedanka abdekka. An selli zeit grikt alli-ebbah lohb funn Gott vass zu eem heaht.

Matthäus 26:4

Un si henn unnich nannah ausgmacht vi si Jesus hinna rumm eishtekka zayla un een doht macha.

Matthäus 2:16

Vo da Herodes ksenna hott es di mennah mitt veisheit een fafiaht henn, voah eah oahrich bays un hott addahs gevva fa awl di glenna boovlen doht macha in Bethlehem un nayksht datt rumm. Si henn sella awl dee doht macha es zvay yoah ald un yingah voahra. Dess hott eikseit mitt di zeit es eah auskfunna katt hott funn di mennah mitt veisheit.

Shpricha 24:9

Ausmacha fa dumhayda dreiva is en sind, un leit hassa ebbah es shpodda dutt.

Shpricha 11:23

Vass gerechti leit vinsha shaft goot aus, avvah di hofning funn di gottlohsa end in zann.

Psalm 119:15

Ich denk dei adnunga ivvah, un nemm dei vayya zu hatz.

Shpricha 12:4

En goodi fraw is vi en krohn zu iahra mann, avvah ayni es een fashohmd is vi grebs in sei gnocha.

Shpricha 12:6

Di vadda funn di ungettlicha sinn en fall fa bloot fageesa, avvah's maul funn di ufrichticha macht si frei.

Shpricha 14:8

Ebbah es veisheit hott, hott di gawb fa da recht vayk gay, avvah unksheidi leit fafiahra sich selvaht un gayn letz.

Jeremia 9:3

“Si beeya iahra zunga vi en bow; iahra leeya un di unvoahret henn's land ivvah-gnumma. Si gayn funn ay evil ding zumm nekshta, avvah mich doon si nett achta.” So sawkt da Hah.

Jeremia 9:5

Alli-ebbah fafiaht sei nochbah, un sawkt di voahret nett; si henn iahra zunga gland leeya sawwa, si macha sich meet am sindicha.