Shpricha 12:25 - Pennsylvania Dutch Bible

²⁵ En engshtlich hatz drikt en mann nunnah, avvah en freindlich vatt gebt eem frayt.

Shpricha 12:25 Referans Kwoze

Shpricha 16:24

Blesiahlichi vadda sinn vi hunnich, si sinn sees zu di sayl un hayla di gnocha.

Shpricha 15:13

En fraylich hatz macht en fraylich ksicht, avvah vann's hatz bedreebt is, dann hott da geisht moot faloahra.

Shpricha 17:22

En fraylich hatz macht ebbah ksund, avvah en bedreebdah geisht drikkeld di gnocha uf.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Shpricha 15:23

Es is en frayt zu en mann vann eah en goot andvat gebt, un vi goot is es recht vatt an di recht zeit!

Sacharia 1:13

No hott da Hah freindlichi un drayshtlichi vadda ksawt zumm engel es am shvetza voah mitt miah.

Shpricha 12:18

Vadda es zu kshvind kshvetzt sinn, shtecha vi en shvatt, avvah di zung funn selli mitt veisheit, bringd hayles.

Shpricha 27:9

Goot-shmakkich ayl un insens macht's hatz froh, un en mann sei roht is sees zu sei freind.

Psalm 42:11

Favass bisht du bedreebt, oh mei sayl, un bisht so unruich in miah? Du dei hofning in Gott, fa ich zayl een viddah lohva, veil eah mei hilf un mei Gott is.

Shpricha 18:14

En mann sei geisht helft eem deich di grankheit, avvah vann da moot faloahra is, veah kann's drawwa?

Shpricha 25:11

En vatt es ksawt is an di recht zeit, is vi goldichi ebbel es in silvah ksetzt sinn.

Psalm 38:6

Ich binn grumm un ivvah-gebikt, un gay rumm in dreebsawl da gans dawk.

Shpricha 15:15

Awl di dawwa funn di bedreebda sinn hatt, avvah en fraylich hatz is vi en grohs essa alli dawk.

Shpricha 14:10

Es hatz laynich vayst sei aykni dreebsawl, un nimmand shunsht kann en dayl havva fumm hatz sei frayt.

Shpricha 12:26

Da gerecht is bessah ab es sei nochbah avvah da vayk funn di gottlohsa dutt si fafiahra.

Shpricha 15:30

Freindlichi awwa macha's hatz froh, un goodi zeiya macha di gnocha ksund.