Shpricha 12:21 - Pennsylvania Dutch Bible

²¹ Nix shlechtes kumd ivvah di gerechta, avvah di gottlohsa henn nix es druvvel.

Shpricha 12:21 Referans Kwoze

1. Petrus 3:13

Un veah zayld eich shawda du vann diah sell nohch gaynd vass goot is?

Psalm 91:10

dann vatt kenn evil ivvah dich kumma, un aw kenn grankheit nayksht an dei haus kumma.

Römer 8:28

Miah vissa es alli sacha ausshaffa fa goot fa selli es Gott leeva, fa selli vo groofa sinn so vi Gott's foah-gezayld hott,

Shpricha 1:31

so zayla si di frucht essa funn iahra ayknah vayk, un zayla satt sei mitt di frucht funn iahra shkeems.

Di Offenbarung 18:6

Gevvet zrikk zu iahra vi see gevva hott; betzawlet see zvay mohl zrikk fa vass see gedu hott. Fillet zvay mohl's kobli es see kfild hott.

Habakuk 2:16

Du zaylsht foll sei mitt shohm in blatz funn hallichkeit. So drink du nau un veis dei nakkichheit! Es kobli im Hah sei rechtsi hand kumd rumm zu diah, un shohm zayld dei hallichkeit zu dekka.

Shpricha 14:14

Di gottlohsa vadda zrikk betzawld fa iahra vayya, avvah en goodah mann zayld zufridda sei mitt seini.

2. Korinther 4:17

Fa unsah dreebsawl vo leicht un katz is, shaft aus fa uns en ayvichi un en vichtichi hallichkeit.

Psalm 121:7

Da Hah zayld dich heeda funn alles eviles; eah heet dei sayl.

Shpricha 1:33

Avvah veah mich abheicht zayld aus di kfoah layva; eah zayld im roo voona un sich nett feicha funn evil.”

Shpricha 12:20

Selli es evil im sinn henn, henn falshi hatza, avvah selli es goodes im sinn henn, henn fridda.

Shpricha 19:23

Di furcht fumm Hah fiaht zumm layva, no kann ebbah roowa un is frei funn druvvel.

Breddichah 8:5

Veah-evvah es eem heicht kumd nett in druvvel, un en hatz mitt veisheit vayst vass zu du an di recht zeit.

Shpricha 11:21

Du kansht dich falossa druff es di gottlohsa nett unkshtrohft gayn, avvah selli es gerecht sinn vadda frei ksetzt.

Breddichah 7:18

Es is goot fa ayns fashtay, un nett gay lossa fumm anra. Sellah es Gott fircht dutt nix ivvah di maws.