Shpricha 12:13 - Pennsylvania Dutch Bible

¹³ En evilah mann vatt kfanga in sei aykni falshi vadda, avvah di gerechta halda sich aus druvvel.

Shpricha 12:13 Referans Kwoze

Shpricha 21:23

Veah sei maul un zung vatsht, hald sich aus druvvel.

Shpricha 11:8

Da gerecht mensh is aus di kfoah kalda funn druvvel, un's kumd uf da gottlohs in seim blatz.

Psalm 64:8

Deich iahra aykni zunga zayla si falla, alli-ebbah es si saynd shiddeld sei kobb in furcht.

Daniel 6:24

Da kaynich hott no en gebott gevva, un selli mennah es da Daniel pshuldicht katt henn voahra in's loch kshmissa mitt di layb. Iahra veivah un kinnah voahra aw nei kshmissa mitt eena, un eb si uf da bodda kfalla sinn henn di layb si kfanga un henn awl iahra gnocha fabrocha.

Shpricha 6:2

Voahsht du kfanga bei dei aykni vadda, un bei vass du fashprocha hosht?

2. Petrus 2:9

vann awl dess so is, dann vayst da Hah vi fa di gettlicha aus di fasuchung nemma, un aw vi fa di ungerechta hayva fa da gerichts-dawk un iahra shtrohf.

Breddichah 7:18

Es is goot fa ayns fashtay, un nett gay lossa fumm anra. Sellah es Gott fircht dutt nix ivvah di maws.

Matthäus 27:25

Un di leit henn awl ksawt, “Sei bloot is uf uns un uf unsah kinnah.”

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Psalm 34:19

Da gerecht mann muss feel druvvel leida, avvah da Hah setzt een frei funn si awl;

Psalm 5:6

Du bringsht selli um es leeya; da Hah hast bloot-fageesah un uneahlichi mennah.

1. Kaynicha 2:23

No hott da Kaynich Solomon kshvoahra beim Hah, un hott ksawt, “Loss Gott mich hatt shtrohfa, vann em Adonia sei vadda nett sei ayya layva koshta zayla!

2. Samuel 4:9

Da Dawfit hott no ksawt zumm Rechab un sei broodah da Baanah, di boova fumm Rimmon da Beerothiddah, “So shuah es da Hah laybt, deah es mich aus awl mei druvvel gebrocht hott,

1. Mosi 48:16

sei engel es mich frei kalda hott funn awl evil vill ich havva es dee boova saykend, un macht es mei nohma on layva dutt in eena, un aw di nohma funn mei feddah da Abraham un da Isaac; un macht es si vaxa doon biss si feel leit sinn uf di eaht.”

Psalm 59:12

Fa di sind funn iahra meilah un di vadda funn iahra leftz, loss si kfanga sei in iahra hohchmoot. Fa iahra fluches un di leeya es si sawwa,

Shpricha 18:21

Da doht un's layva sinn in di gvald funn di zung, un selli es gleicha shvetza, missa di frucht funn iahra kshvetz essa.

Psalm 34:20

da Hah gebt acht uf awl sei gnocha; nett ayns funna zayld fabrocha gay.

Psalm 59:13

reib si aus in deim zann unni gnawt; reib si aus biss si nimmi sinn. No zayld alli-ebbah vissa es Gott roold in Jakob biss an's end funn di eaht. (Sela)

Shpricha 10:8

Ebbah mitt veisheit im hatz dutt vass eah kaysa is, avvah ebbah es dumhayda shvetz kumd zu nix.