Shpricha 11:23 - Pennsylvania Dutch Bible

²³ Vass gerechti leit vinsha shaft goot aus, avvah di hofning funn di gottlohsa end in zann.

Shpricha 11:23 Referans Kwoze

Matthäus 5:6

Ksaykend sinn selli vo hungahrich un dashtich sinn fa di gerechtichkeit. Si zayla satt vadda.

Psalm 37:4

Du dei falanga in da Hah, no gebt eah diah vass dei hatz havva vill.

Jeremia 17:16

Ich habb nett kshtobt en shohf-heedah sei fa dich, ich habb da dawk funn druvvel nett uf si gvinsht. Du vaysht alles es ich ksawt habb.

Jesoiya 26:9

Mei sayl hott en falanga fa dich in di nacht, un mei geisht in miah dutt eahnshtlich sucha fa dich. Vann dei gerichta uf di eaht kumma, dann lanna di leit funn di veld gerechtichkeit.

Shpricha 10:28

Di hofning funn di gerechta is frayt, avvah di hofning funn di gottlohsa kumd zu nix.

Psalm 10:17

Du heahsht da falanga funn di daymeedicha, oh Hah, du machsht si shteik im hatz un heichsht si oh.

Hebräer 10:27

avvah miah missa uns feicha veyyich en shreklich gericht un feiyah es selli fazeahra zayld es sich geyyich Gott shtella.

Shpricha 11:7

Vann da gottlohs mensh shtaubt, dann is sei hofning faloahra, di graft es eah sich falossa hott druff kumd zu nix.

Psalm 119:10

Ich such dich mitt mei gans hatz, loss mich nett vekk gay funn dei gebodda.

Psalm 119:5

Oh es mei vayya yusht shtandhaftich veahra, fa dei gebodda eahnshtlich halda!

Psalm 27:4

Ay ding habb ich kfrohkt fumm Hah, sell zayl ich nohch gay: so es ich im Hah sei haus bleiva kann mei layva lang, fa sayna vi shay es da Hah is, un fa een sucha in seim tempel.

Shpricha 11:24

Ay-ebbah gebt geahn, un grikt yusht noch may; en anrah haybt zrikk vass eah gevva sett, un vatt yusht noch oahmah.

Shpricha 12:5

Di gedanka es di gerechta henn sinn recht, avvah da roht funn di gottlohsa is fafiahrich.

Shpricha 13:2

Di frucht funn en mann sei maul gebt eem goodi sacha, avvah selli es fafiahra, vella yusht fechta.