Shpricha 10:22 - Pennsylvania Dutch Bible

²² Da sayya fumm Hah macht em reich, un gebt kenn dreebsawl mitt.

Shpricha 10:22 Referans Kwoze

Psalm 107:38

Eah hott si ksaykend so es si sich oahrich fameaht henn, un hott iahra fee nett glost vennichah vadda.

1. Mosi 26:12

Da Isaac hott no sell land ksayt un sell yoah hott eah en hunnaht moll so feel geahnd es eah ksayt katt hott. Da Hah hott een ksaykend,

1. Mosi 24:35

Da Hah hott mei meishtah oahrich ksaykend un eah is reich vadda. Eah hott eem shohf un kee, silvah un gold, gnechta un mawda, un kamayla un aysla gevva.

1. Mosi 12:2

Ich zayl dich en grohs folk macha un dich saykna. Ich zayl diah en grohsah nohma macha un du zaylsht en sayya sei.

Psalm 37:22

Selli es ksaykend sinn bei eem, eahva's land, avvah selli es faflucht sinn bei Gott, vadda abkshnidda.

Shpricha 20:21

En eahbshaft es kshvind grikt voah am ohfang, zayld nett ksaykend sei am end.

1. Mosi 13:2

Da Abram voah oahrich reich mitt fee un silvah un gold.

Shpricha 28:22

En geitzichah mann is eahnshtlich fa reich vadda, un vayst nett es eah glei oahm sei zayld.

Sacharia 5:4

Da Awlmechtich Hah sawkt, ‘Ich shikk deah fluch naus un eah gayt in's haus fumm deeb un in's haus funn sellah es en falsh zeiknis gebt in meim nohma. Eah zayld in sellem haus bleiva un's gans fazeahra, awl's hols un aw di shtay.’”

1. Mosi 14:23

es ich nemm nix es dei is, nett even en naytz-fawda adda en shoo-bendel. Dess is so es du nett sawwa kansht, ‘Ich habb da Abram reich gmacht.’

Joshua 6:18

Avvah haldet eich vekk funn di sacha es fabodda sinn, so es diah selvaht nett umkummet veil diah dess es fabodda is gnumma hend. Diah daydet aw fadamnis uf's gans folk Israel bringa un druvvel uf si bringa.

1. Kaynicha 21:19

Sawk zu eem, ‘Dess is vass da Hah sawkt: Hosht du en mann doht gmacht so es du sei land nemma kansht?’ No sawk zu eem, ‘Dess is vass da Hah sawkt: Im blatz vo di hund em Naboth sei bloot ufkshlekt henn, zayla di hund aw dei bloot ufshlekka.’”

1. Mosi 26:13

un eah is en reichah mann vadda. Eah hott may un may eignumma biss eah endlich oahrich reich voah.

5. Mosi 26:10

Un nau bring ich's eahsht-frucht fumm grund es du miah gevva hosht, oh Hah.” Doond da koahb fannich da Hah eiyah Gott shtella, bikket eich nunnah un deenet da Hah eiyah Gott.

5. Mosi 28:11

Da Hah zayld macha es diah oahrich goot ab sind im frucht funn eiyah muddahs-leib, im frucht funn eiyah fee un im frucht funn eiyah grund, im land es da Hah kshvoahra hott zu eiyah foah-feddah fa eich gevva.

2. Chronik 25:9

Da Amazia hott no da mann funn Gott kfrohkt, “Avvah vass veyyich di fimf un sivvatzich hunnaht pund silvah es ich betzawld habb zu di mennah funn Israel?” Da mann funn Gott hott ksawt, “Da Hah kann diah feel may es sell gevva.”

Shpricha 8:21

Ich gebb reichheit zu selli es mich leeb henn, un fill iahra shtoah-haus mitt keshtlichi sacha.

Shpricha 14:24

Da krohn funn selli mitt veisheit is iahra reichheit, avvah di dumheit fiaht yusht zu noch may dumheit.

Daniel 1:15

Am end funn di zeyya dawk henn si bessah un shteikah gegukt es ennich's funn di yunga mennah es am kaynich sei ess-sach essa voahra.

1. Chronik 4:10

Da Jaebez hott da Gott funn Israel ohgroofa un hott ksawt, “Oh es du mich saykna daytsht un mei blatz graysah macha! Loss dei hand uf miah sei un hald mich funn evil un shmatza.” Un Gott hott eem gevva vass eah kfrohkt hott difoah.

2. Chronik 32:27

Da Hiskia voah oahrich reich un voah hohch ohksenna. Eah hott sich geld-shtubba gmacht fa sei silvah, gold, keshtlichi shtay, shpeises, shields un alli sadda keshtlich sach.

2. Chronik 32:29

Eah hott shtett gebaut un hott sich feel shohf un fee gekawft, fa Gott hott eem kolfa oahrich reich vadda.

Psalm 127:2

Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.