Shpricha 1:6 - Pennsylvania Dutch Bible

⁶ so es eah shpricha un gleichnisa fashtay kann, sell is, leit mitt veisheit iahra vadda un fashtekkeldi mayninga.

Shpricha 1:6 Referans Kwoze

Psalm 78:2

Ich mach mei maul uf un sawk gleichnisa; ich shvetz veyyich fashtekkeldi sacha funn aldi zeida—

Markus 4:11

Un eah hott eena ksawt, “Es is eich gevva fa di fashtekkelda sacha fumm Reich-Gottes vissa, avvah fa dee vo draus sinn kumd alles deich gleichnisa.

Hebräer 5:14

Shteik ess-sach is fa gvaxani leit, selli es gland henn deich sich ufbauwa, un deich unnahshitt macha zvishich goot un evil.

Psalm 49:4

Ich zayl mei oah drayya zu en shpruch funn veisheit; ich layk fashtekkeld kshvetz aus mitt di harf.

Markus 4:34

Eah hott nett kshvetzt zu eena unni deich gleichnisa, avvah vann si als laynich voahra hott eah alles ausglaykt zu sei yingah.

Breddichah 12:11

Di vadda funn mennah mitt veisheit sinn vi oxa-gixah, un vi nekkel es hatt nei gedrivva sinn. Si sinn gevva bei ay Shohf-Heedah.

4. Mosi 12:8

Mitt eem shvetz ich maul zu maul, grawt raus, un nett in dunkli kshvetzah; eah saynd da Hah vi eah is. So favass hend diah eich nett kfeicht fa shvetza geyyich mei gnecht da Mosi?”

2. Petrus 3:16

Eah shvetzt veyyich dee sacha in awl sei breefa. Es sinn samm sacha in sei breefa es hatt sinn zu fashtay, un dee sacha vadda fadrayt bei di unglanda un unshtandhafticha grawt vi si di anri Shrifta aw fadrayya. Si doon dess zu iahra aykni fadamnis.

Shpricha 24:23

Dess sinn aw vadda funn selli mitt veisheit: Es is nett goot fa seits nemma am richta.

Daniel 8:23

In di letsht zeit funn iahra reich, vann di ivvah-dreddah gans ivvah-hand gnumma henn, zayld en frechah un en shlichtichah kaynich ruff kumma.