Shpricha 1:4 - Pennsylvania Dutch Bible

⁴ so es selli vo nett kshvind fashtayn, gland vadda, un so es di yungi leit eisicht un fashtand greeya.

Shpricha 1:4 Referans Kwoze

Shpricha 8:5

Diah es nett bessah visset, fanget oh denka, un diah dummi leit, fanget oh fashtay.

Shpricha 8:17

Ich leeb selli es mich leeva, un selli es mich sucha zayla mich finna.

Psalm 119:9

Vi kann en yungah mann sei vayk sauvah halda? Bei layva vi dei vatt sawkt.

Shpricha 8:32

Nau dann, mei kinnah, heichet mich ab, ksaykend sinn selli es mei vayya halda.

Shpricha 8:12

Ich, di veisheit, habb eisicht, un ich habb goodah roht zu gevva.

Psalm 119:130

Vann dei vatt fashtanna vatt, gebt's licht, un's gebt eisicht zu selli es nett fashtayn.

Titus 2:6

Di yungi mennah solsht aw famohna es si sich selvaht meishtahra.

2. Timotheus 2:22

Bleib vekk funn di lushtboahri sacha es yungi leit nohch gayn, avvah gay gerechtichkeit, glawva, leevi un fridda nohch, mitt selli vo da Hah ohroofa funn en rein hatz.

Jesoiya 35:8

Es zayld en grohsah vayk datt sei, un eah zayld da Heilich Vayk kaysa sei. Nimmand unreines dauf datt druff gay, da vayk is yusht fa sei leit; selli unni veisheit lawfa nett druff.

Shpricha 3:21

Mei kind, hald veisheit un goodah fashtand, loss si nee nett vekk funn dei awwa kumma.

Psalm 34:11

Kummet, mei kinnah, heichet mich ab; ich lann eich fa da Hah firchta.

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Psalm 116:6

Da Hah heet selli es sich nett selvaht helfa kenna, vo ich shvach voah, hott eah miah kolfa.

5. Mosi 4:6

Haldet si un doond si, fa dess veist eiyah veisheit un fashtand zu di leit vann si heahra veyyich dee gebodda, un si zayla sawwa, “Dess is geviss en hallich folk mitt veisheit un fashtand.”