Shpricha 1:28 - Pennsylvania Dutch Bible

²⁸ no zayla si roofa zu miah, avvah ich zayl kenn andvat gevva; si zayla mich oahrich sucha, avvah si zayla mich nett finna,

Shpricha 1:28 Referans Kwoze

Micha 3:4

No zayla si naus roofa zumm Hah, avvah eah gebt eena kenn andvat. An selli zeit zayld eah sei ksicht fashtekla funn eena, veil si evil gedu henn.

Jakobus 4:3

Diah frohwet un greeyet's nett veil diah frohwet mitt letzi gedanka, un veil diah's shpenda vellet uf eiyah aykni blesiah.

Sacharia 7:13

‘Vo ich groofa habb henn si nett abkeicht, so vo si groofa henn habb ich nett abkeicht,’ sawkt da Awlmechtich Hah.

Jeremia 11:11

Fasell sawkt da Hah dess, ‘Gukk moll, ich zayl evil uf si kumma lossa es si nett vekk kenna difunn. Even vann si roofa zu miah, zayl ich si nett abheicha.

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Hiob 27:9

Dutt Gott sei roofes heahra, vann angsht ivvah een kumd?

Jeremia 14:12

Vann si fashta, zayl ich iahra roof nett abheicha; vann si brand-opfah un shpeis-opfah opfahra, zayl ich si nett ohnemma. In blatz funn sellem, zayl ich si umbringa mitt em shvatt, hungahs-noht un peshtelens.”

Psalm 18:41

Si henn groofa fa hilf, avvah's voah nimmand fa eena helfa; si henn zumm Hah groofa, avvah eah hott kenn andvat gevva.

Ezekiel 8:18

Fasell, zayl ich shaffa geyyich si in meim zann. Mei awwa zayla si nett davvahra adda gnaydich sei zu eena. Even vann si in mei oahra greisha, dann zayl ich si nett abheicha.”

Hiob 35:12

Eah gebt kenn andvat vann leit roofa zu eem, deich da hohchmoot funn di gottlohsa.

1. Samuel 8:18

Vann selli zeit moll kumd zaylet diah naus roofa un glawwa veyyich demm kaynich es diah eiksetzt hend, avvah da Hah zayld eich nett abheicha.”

Shpricha 8:17

Ich leeb selli es mich leeva, un selli es mich sucha zayla mich finna.

1. Mosi 6:3

No hott Gott ksawt, “Mei Geisht zayld nett shtreida mitt mensha fa'immah veil si mensha flaysh sinn, avvah iahra dawwa sella noch en hunnaht un zvansich yoah sei.”

Hosea 5:15

No gayn ich zrikk an mei blatz, biss si iahra shuld bekenna un gukka fa mei ksicht. In iahra aylend zayla si mich eahnshtlich sucha.”

Psalm 66:18

Vann ich evili gedanka in mei meind katt hett, dann hett da Hah mich nett abkeicht.

Shpricha 15:29

Da Hah is veit vekk funn di gottlohsa, avvah eah heaht's gebayt funn di gerechta.

Hohches Leet 5:6

Ich habb uf gmacht fa mei beleebdah, avvah mei beleebdah voah nimmi datt. Mei hatz voah bedreebt vo eah kshvetzt katt hott. Ich habb ksucht fa een avvah habb een nett kfunna. Ich habb een groofa avvah eah hott kenn andvat gevva.

Hosea 5:6

Vann si kumma mitt iahra shohf un kee fa da Hah sucha, dann finna si een nett, veil eah sich zrikk gezowwa katt hott funn eena.

5. Mosi 1:45

No sind diah zrikk kumma un hend keild fannich em Hah. Avvah da Hah hott eiyah shtimm nett abkeicht, un hott sei oah nett zu eich gedrayt.

Psalm 18:42

Ich habb si fashlauwa vi feinah shtawb im vind, ich habb si ausgleaht vi drekk in di shtrohsa.

Amos 8:12

Leit zayla rumm lawfa funn say zu say, un funn di natt zu di east. Si zayla sucha fa's vatt fumm Hah avvah si zayla's nett finna.