Shpricha 1:22 - Pennsylvania Dutch Bible

²² “Diah dummi leit, vi lang vellet diah dumm bleiva, vi lang zayla shpoddah gleicha ohhalda shpodda, un vi lang zayla di unksheida eisicht hassa?

Shpricha 1:22 Referans Kwoze

Shpricha 5:12

Du zaylsht sawwa, “Vi oahrich habb ich kast recht ksetzt sei; mei hatz hott zankes nunnah gedrayt.

Shpricha 1:29

veil si eisicht kast henn, un henn em Hah sei furcht nett havva vella.

Psalm 1:1

Ksaykend is da mensh es nett im roht funn di gottlohsa lawft, adda uf em vayk funn sindah shtayt, adda im sitz funn shpoddah hokt.

Di Offenbarung 22:17

Da Geisht un's hochtzich-maydel sawwa, “Kumm.” Un loss deah vo heaht, sawwa, “Kumm.” Un loss deah vo dashtich is kumma. Un ennich ebbah es vill, loss een's vassah funn layva nemma unni's betzawla.

2. Petrus 3:3

Seahsht missa diah dess fashtay, es in di letshta dawwa zayla shpoddah kumma, un zayla iahra aykni falanga un lusht nohch gay.

Johannes 3:20

Fa alli-ebbah es evil dutt, hast's licht, un hald sich vekk funn di helling, fafiah es sei verka auskfunna vadda un kshtrohft vadda.

Lukas 19:42

un hott ksawt, “Vann du yusht vissa kensht, even heit, vass diah fridda macha kend! Avvah nau is es funn dei awwa kalda.

Matthäus 9:13

Avvah gaynd un lannet vass dess maynd. ‘Ich gukk fa bamhatzichkeit, nett fa opfahra.’ Ich binn kumma di sindah roofa fa boos du, un nett di gerechta.”

Shpricha 21:11

Vann en shpoddah kshtrohft vatt, dann lanna even di dumma veisheit; vann ebbah mitt veisheit gland vatt, dann grikt eah eisicht.

Matthäus 23:37

Jerusalem, Jerusalem, du vo di brofayda doht machsht un shtaynichsht dee vo zu diah kshikt voahra. Vi oft hett ich geahn dei kinnah zammah gegeddaht vi en glukk iahra beeblen unnich iahra flikkel nemd, avvah du hosht nett vella.

Matthäus 17:17

Un Jesus hott ksawt, “Oh diah unglawvichi leit funn deahra zeit, vi lang soll ich bei eich sei? Vi lang soll ich geduldich sei mitt eich? Bring da boo zu miah.”

Shpricha 19:29

Leit es shpoddah sinn zayla kshtrohft vadda, un di bikkel funn di unksheida zayla gegaysheld vadda.

Shpricha 15:12

Da shpoddah gleicht nett kshtrohft sei; eah gayt nett zu selli es veisheit henn.

Shpricha 14:6

En shpoddah sucht fa veisheit un find see nett, avvah eisicht kumd kshvind zu di ksheida.

Shpricha 8:5

Diah es nett bessah visset, fanget oh denka, un diah dummi leit, fanget oh fashtay.

Shpricha 7:7

Ich habb yungi mennah ksenna es noch nett feel fashtayn, un unnich eena voah aynah unni goodi eisichta.

Shpricha 6:9

Vi lang zaylsht du datt leiya, du faulah mensh? Vann shtaysht du uf fumm shlohf?

Shpricha 3:34

Eah fashpott selli es shpott macha, avvah eah gebt gnawt zu di daymeedicha.

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Shpricha 1:4

so es selli vo nett kshvind fashtayn, gland vadda, un so es di yungi leit eisicht un fashtand greeya.

Psalm 94:8

Gevvet acht, diah unksheidi unnich di leit, vann zaylet diah moll ksheit vadda, diah dummi leit?

Hiob 34:7

Vass fa mann is vi da Hiob, deah es fashpott vatt un eah drinkt's vi vassah?

4. Mosi 14:27

“Vee lang zayla dee ungettlichi leit grumla geyyich mich? Ich habb da glawk un's grumles funn dee Kinnah-Israel keaht.

2. Mosi 16:28

No hott da Hah ksawt zumm Mosi, “Vee lang shteibahret diah eich fa mei gebodda halda un du vi ich sawk?

2. Mosi 10:3

Da Mosi un da Aaron sinn no zumm Pharao ganga un henn ksawt zu eem, “Dess is vass da Hah, da Gott funn di Hebrayah sawkt, ‘Vee lang shteibahsht du dich fa dich daymeedich macha fannich miah? Loss mei leit gay, so es si mich deena kenna.

Shpricha 1:21

See rooft naus in di yachtichi shtrohsa, an di doahra funn di shtatt sawkt see dee vadda:

Shpricha 1:32

Di dumma drayya vekk un sell macht si doht; di aldvannisha sinn unbekimmaht un kumma um.

Shpricha 21:24

“Shpoddah” is da nohma fumm shtolsa un grohs-feelicha mann; eah lawft in frechi shtolsheit.

Shpricha 22:3

En mann es denkt, saynd di kfoah un fashtekkeld sich, avvah di dumma gayn on un missa leida difoah.

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

Jeremia 13:27

Ich habb dei aybrechahrei, dei hengshtahrei un dei shandlichi huahrahrei ksenna. Ich habb ksenna vi du dich fashohmd hosht uf di hivla un in di feldah. Vay zu diah, oh Jerusalem, vann zaylsht du selayva rein vadda?”