Sacharia 9:11 - Pennsylvania Dutch Bible

¹¹ Un veyyich eich, deich's bloot funn meim bund mitt eich, mach ich di kfangana frei fumm loch unni vassah.

Sacharia 9:11 Referans Kwoze

Jesoiya 51:14

Sellah es kfanga is, vatt glei sei aylend lohs, eah zayld nett shtauva im kellah-kfengnis, un zayld aw nett unni broht sei.

2. Mosi 24:8

Da Mosi hott no's bloot gnumma, hott's uf di leit kshpritzt, un hott ksawt, “Dess is es bloot fumm Bund es da Hah gmacht hott mitt eich veyyich awl dee vadda.”

Jesoiya 42:7

fa di awwa funn di blinda uf macha, di kfangana aus em kfengnis fiahra, un selli es im dunkla hokka, frei macha.

1. Korinther 11:25

Un im sayma vayk hott eah aw's kobli gnumma noch demm es eah gessa katt hott un hott ksawt, “Dess kobli is es Nei Teshtament in meim bloot. Doond dess, so oft es diah's drinket, fa en ohdenkes funn miah.”

Matthäus 26:28

Fa dess is mei bloot fumm Neiya Teshtament vo ausgleaht vatt fa feel leit, so es iahra sinda fagevva sei kenna.

Hebräer 10:29

Vi feel may shtrohf denket diah hott sellah fadeend es da Sohn Gottes unnich sei fees gedu hott, un hott's bloot fumm bund fa'acht es een heilich macht, un hott da Geisht funn gnawt fafolkt?

Jesoiya 61:1

Da Geisht funn Gott da Hah is uf miah, veil da Hah mich ksalbt hott fa goodi zeiya breddicha zu di oahma. Eah hott mich kshikt fa selli hayla mitt vayyi hatza, fa di freiheit fakindicha zu di kfangana, un fa selli frei macha es gebunna sinn.

Jesoiya 49:9

Ich sawk zu di kfangana, ‘Kummet raus,’ un zu selli im dunkla, ‘Seind frei!’ Si zayla feedra an di vayya nohch un vayt finna uf awl di bludda hivla.

Psalm 69:33

Da Hah heaht selli es noht henn, un fa'acht nett selli es kfanga sinn.

Psalm 40:2

Eah hott mich ruff aus em kfeahlich loch gezowwa, aus em shleim un drekk. Eah hott mei fees uf en felsa kshteld, so es ich uf haddah grund lawfa kann.

Markus 14:24

Eah hott eena ksawt, “Dess is mei bloot fumm Neiya Teshtament es ausgleaht vatt fa feel leit.

Lukas 22:20

Un so hott eah aw's kobli gnumma noch em sobbah un hott ksawt, “Dess kobli is es Nei Teshtament in meim bloot vo ausgleaht vatt fa eich.

Jesoiya 58:12

Eiyah leit zayla ivvah ufbauwa vass lang zrikk nunnah kfalla voah, un zayla bauwa uf sell vass gegrund voah difoah. Si zayla's folk kaysa sei es di lechah zu mavvahra, un di shtrohsa fabessahra vo leit voona.”

Psalm 30:3

Du hosht mich fumm dohda kalda, oh Hah; du hosht mich levendich kalda, es ich nett nunnah in's grawb gay habb missa.

5. Mosi 5:31

Avvah du solsht do bei miah shtay bleiva, so es ich diah awl di gebodda, di ksetza un di adninga gevva kann es du si lanna solsht, so es si si halda im land es ich eena gebb fa's ivvah-nemma.”

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Lukas 4:18

“Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Jesoiya 42:22

Avvah dess is en leit es grawbt un fashtayld vadda sinn, si sinn awl kfanga vadda in grund-lechah, un fashtekkeld vadda im kfengnis. Si sinn vadda vi kshtohla shtoft, un nimmand kann eena zrikk helfa; si sinn gmacht vadda vi grawbt shtoft, un nimmand sawkt, “Gebb's zrikk.”

Jeremia 38:6

No henn si da Jeremia gnumma un henn een in en sistahn kshmissa es zumm Malkia, em kaynich sei boo, keaht hott. Deah sistahn voah im foah-hohf fumm kfengnis. Si henn da Jeremia nunnah in da sistahn glost mitt shtrikka. Da sistahn hott kenn vassah drinn katt avvah yusht drekk, un da Jeremia is nunnah in da drekk nei ksunka.

Di Offenbarung 20:3

Eah hott een in da brunna kshmissa es kenn bodda hott, un hott'n zu kshlossa un's kseald ivvah een, so es eah di leit in alli lendah nimmi fafiahra kann biss di dausend yoah ivvah sinn. Noch sellem muss eah frei gmacht sei fa en katzi zeit.

Daniel 2:29

Diveil es du datt gleyya hosht, oh kaynich, hosht du dei meind uf sacha katt es shpaydah naus blatz nemma zayla, un sellah es fashtekkeldi sacha veisa dutt, hott diah gvissa vass blatz nemma zayld.

2. Chronik 7:17

Un veyyich diah, vann du fannich miah lawfsht vi dei faddah da Dawfit gloffa is, un alles dusht es ich dich hays, un mei gebodda un ksetza haldsht,

2. Samuel 13:13

Denk moll an mich. Vee kend ich lohs vadda funn mei shohm? Un vass veyyich diah? Du zaylsht gnumma sei es en fashohmdah nah in Israel. Gay un shvetz zumm kaynich; eah zayld nett nay sawwa un mich halda funn diah.”

Lukas 16:24

No hott eah naus gegrisha, ‘Faddah Abraham, sei bamhatzich zu miah, un shikk da Lazarus fa sei fingah bisli in's vassah dunka fa mei zung abkeela; veil ich am oahrich leida binn in demm flamm.’

Hebräer 10:2

Vann's kend, hedda di opfahra nett kshtobt? Fa dee vo Gott gedeend henn veahra aymol rein vadda un hedda no nimmi shuldich kfeeld fa iahra sinda.

Hiob 33:30

so es eah sei sayl zrikk drayya kann fumm grawb, un so es eah's licht funn layva sayna kann.

Jesoiya 24:22

Si zayla zammah ksammeld sei vi kfangani in en kellah-shtubb, un eikshpatt sei in en jail; feel dawk shpaydah vadda si kshtrohft.