Sacharia 10:1 - Pennsylvania Dutch Bible

¹ Frohwet da Hah fa reyyah im free-yoah; es is da Hah es di reyyah volka macht. Eah gebt da reyyah runnah zu leit, un gebt's graws in di feldah fa alli-ebbah.

Sacharia 10:1 Referans Kwoze

Jesoiya 44:3

Fa ich zayl vassah uf's dashtich land leahra, un vassah lawfa macha uf em drukkana grund. Ich leah mei Geisht aus uf dei kinnah, un mei sayya uf dei nohch-kummashaft.

Jakobus 5:7

Fasell, leevi breedah, seind geduldich biss da Hah zrikk kumd. Gukket moll, da bavvah voaht fa's keshtlich frucht funn di eaht, un is geduldich mitt biss es da free un da shpoht reyya grikt.

Ezekiel 36:37

Dess is vass da Awlmechtich Hah sawkt: Ich zayl aw's haus funn Israel lossa mich frohwa fa dess du fa si: Ich mach iahra leit so feel es shohf,

Jesoiya 30:23

No shikt eah reyyah fa da sohma es diah in da grund sayyet, un's ess-sach es kumd fumm land zayld feel un blendi sei. In sellem dawk zayld eiyah fee vayda in grohsi feldah.

Psalm 65:9

Du gebsht acht uf di eaht un vessahsht si; du machsht si oahrich fruchtboah. Di revvahra funn Gott sinn foll vassah; du faseiksht di eaht mitt frucht, un so bausht du's land uf.

5. Mosi 28:23

Da himmel ivvah eich zayld sei vi bronze un da grund unnich eich vi eisa.

Johannes 16:23

An sellem dawk doond diah mich nix frohwa. Voahlich, voahlich, ich sawk eich, vann diah da Faddah ennich ebbes frohwet in meim nohma, dann gebt eah's zu eich.

Micha 5:7

No zayla selli es ivvahrich sinn fumm Jakob naus unnich feel leit kshtroit sei, vi da dau fumm Hah, un vi da reyyah uf em graws, da reyyah es nett voaht fa ennich ebbah, es nett voaht uf di mensha.

Amos 4:7

“Ich habb aw da reyya zrikk kohva funn eich, diveil es es noch drei moonet voah biss di eahn. Ich habb reyyah uf ay shtatt kshikt, avvah ich habb en zrikk kohva funn di annah. Ay feld hott reyyah katt, un's anra hott nett, un voah drukka.

Hosea 10:12

Sayyet gerechtichkeit fa eich selvaht, eahndet di frucht funn shtandhaftichi-leevi, un bloowet eiyah neiyah grund; fa's is zeit fa da Hah sucha, biss eah kumd un reyyaht gerechtichkeit uf eich.

Ezekiel 34:26

Ich vill si saykna, un aw alles es um mei hivvel rumm is. Ich shikk da reyyah runnah an di recht zeit, un's zayla gnaydichi reyyah sei.

Jeremia 14:22

Hott's ennichi abgettah unnich di heida es reyya bringa kenna? Kenna di himla selvaht reyya runnah shikka? Nay, 'sis dich, oh Hah unsah Gott. Fasell is unsah hofning in diah, fa du bisht sellah es awl dee sacha dutt.

Jeremia 10:13

Vann sei shtimm shvetzt, dann doon di vassahra ovvich em himmel roahra; eah macht di volka uf kumma fumm end funn di eaht. Eah shikt gviddah mitt em reyya, un bringd da vind aus sei shtoah-heisah.

Jesoiya 5:6

Ich loss een veesht leiya, unni een hakka adda zrikk shneida; di hekka un danna vaxa datt. Ich mach di volka es si nett druff reyyahra.”

Shpricha 16:15

Vann en kaynich sei ksicht freindlich is, dann bringd's layva. Sei gnawt is vi en reyya-volk im free-yoah.

Psalm 104:13

Du vessahsht di berga funn ovva-heah, di eaht is zufridda gmacht mitt di frucht funn dei eahvet.

Jeremia 51:16

Vann sei shtimm shvetzt, dann doon di vassahra im himmel roahra; eah macht da nevvel uf kumma fumm end funn di eaht. Eah shikt gviddah mitt em reyya, un bringd da vind aus sei shtoah-heisah.

1. Kaynicha 17:1

Nau da Elia da Thisbiddah, funn Thisbe in Gilead, hott ksawt zumm Ahab, “So voah es da Hah, da Gott funn Israel, laybt, fannich demm es ich shtay, es zayld kenn dau adda reyyah gevva fa di nekshta yoahra biss ich so sawk.”

1. Korinther 3:6

Ich habb geblanst un da Apollos hott's gvessaht, avvah Gott hott's vaxa gmacht.

Hosea 6:3

Vella fleisich sei un da Hah bekenna; so shuah es di sunn ufkumd zayld eah sich veisa; eah kumd zu uns vi da vindah reyyah, un vi da free-yoah reyyah es di eaht vessaht.”

Psalm 72:6

Loss een sei vi reyyah es uf gmayt graws fald, vi di drobba es es land vessahra.

Hiob 29:23

Si henn gvoaht fa mich vi fa reyyah, un henn iahra maul uf gmacht vi fa da free-yoah reyyah.

Psalm 135:7

Eah macht di volka uf kumma fumm end funn di eaht, eah shikt gviddah un reyyah, un bringd da vind aus sei shtoah-heisah.

Jeremia 5:24

Si sawwa nett in iahra hatza, ‘Vella da Hah unsah Gott firchta, deah es uns da free-yoah un shpoht-yoah reyyah gebt an di recht zeit, un es uns di eahn gebt alli yoah.’