Ruth 2:19 - Pennsylvania Dutch Bible

¹⁹ Iahra shviah-maemm hott see no kfrohkt, “Vo hosht du ufglaysa heit? Vo hosht du kshaft? Ksaykend sei sellah es dich acht katt hott.” No hott see iahra shviah-maemm ksawt bei vemm es see kshaft hott, un hott ksawt, “Da nohma fumm mann es ich heit kshaft habb mitt is Boas.”

Ruth 2:19 Referans Kwoze

Psalm 41:1

Ksaykend is sellah es sich bekimmaht veyyich di shvacha; da Hah gebt acht uf een im dawk funn druvvel.

Ruth 2:10

No is see uf iahra ksicht kfalla, hott sich uf da bodda gebikt un hott ksawt zu eem, “Ich binn fremd, favass havvich dei gnawt kfunna es du acht nemma setsht funn miah?”

1. Kaynicha 7:21

Eah hott di poshta ufkshteld im foah-hohf fumm tempel. Da poshta uf di rechts seit hott eah Jachin kaysa un da poshta uf di lings seit hott eah Boas kaysa.

Psalm 44:1

Miah henn keaht mitt unsah oahra, oh Gott, unsah foah-feddah henn uns es fazayld, vass du gedu hosht in iahra zeit, in di alda dawwa.

Psalm 41:2

Da Hah hald een aus di kfoah un hald een levendich; eah saykend een im land, un lost een nett ivvah-gedrayt sei zumm villa funn sei feinda.