Ruth 1:6 - Pennsylvania Dutch Bible

⁶ No hott see sich grisht mitt iahra zvay shviah-dochtahra fa zrikk gay fumm land Moab, fa see hott keaht in Moab vi da Hah sei leit gepsucht hott un hott eena ess-sach gevva.

Ruth 1:6 Referans Kwoze

Psalm 132:15

Ich zayl Zion saykna mitt alles es see brauch, ich zayl iahra oahmi satt macha mitt broht.

Psalm 111:5

Eah gebt ess-sach zu selli es een firchta, eah fagest sei bund nee nett.

2. Mosi 4:31

un di leit henn geglawbt. Vo si keaht henn es da Hah di Kinnah-Israel gepsucht hott, un iahra leides ksenna hott, henn si sich nunnah gebikt un henn een ohgebayda.

2. Mosi 3:16

Gay un geddah di eldishti funn Israel zammah un sawk zu eena, ‘Da Hah, da Gott funn eiyah foah-feddah—da Gott fumm Abraham, fumm Isaac un fumm Jakob—hott sich gvissa zu miah un hott ksawt, “Ich habb eich gepsucht, un habb ksenna vass gedu voah zu eich in Egypta.

Lukas 19:44

Si zayla dich uf da bodda shmeisa un aw dei kinnah vo in diah sinn, un si zayla nett ay shtay uf em anra lossa in diah veil du nett acht katt hosht an di zeit vo Gott dich gepsucht hott.”

Lukas 1:68

“Glohbt sei da Hah, da Gott funn Israel, fa eah is zu sei leit kumma un hott si saylich gmacht.

Matthäus 6:11

Gebb uns heit unsah tayklich broht.

Jeremia 29:10

Dess is vass da Hah sawkt: “Vann sivvatzich yoah moll fabei sinn fa Babylon, dann zayl ich eich psucha un mei gnaydich vatt folfilla fa eich zrikk an deah blatz bringa.

Jesoiya 55:10

Vi da reyyah un shnay runnah kumma fumm himmel, un gayn nett zrikk unni es si di eaht vessahra, un di eaht fruchtboah un bleeya macha, so es see sohma macht fa sellah es sayt, un broht fa sellah es est;

Zephania 2:7

Es zayld zu di ivvahricha fumm Haus funn Juda heahra; datt zayla si vayt finna. Ohvets zayla si sich anna layya in di heisah funn Askalon. Da Hah zayld acht gevva uf si, un zayld si viddah frei macha.

Psalm 146:7

deah es recht dutt zu selli es nunnah gedredda sinn, un gebt ess-sach zu di hungahricha. Da Hah macht di kfangana frei.

Psalm 145:15

Di awwa funn alli-ebbah gukka zu diah, un du gebsht eena ess-sach an di recht zeit.

1. Samuel 2:21

Un da Hah voah bei di Hannah; see is uf em family vayk vadda un hott drei may boova un zvay maydlen katt. Avvah da boo Samuel is ufgvaxa fannich em Hah.

1. Mosi 50:25

Da Joseph hott no di kinnah funn Israel gmacht shveahra un hott ksawt, “Gott zayld eich veiklich psucha, un diah sellet no mei gnocha mitt eich aus demm blatz drawwa.”

1. Mosi 48:15

No hott eah da Joseph ksaykend un hott ksawt, “Da Gott es mei feddah da Abraham un da Isaac mitt gloffa sinn, sellah Gott voah mei heedah mei gans layva lang biss deah dawk,

1. Mosi 28:20

Da Jakob hott no en fashprechnis gmacht un hott ksawt, “Vann Gott bei miah is un mich hald uf em vayk es ich am gay binn, un gebt miah ess-sach zu essa un glaydah fa veahra,

1. Mosi 21:1

No hott da Hah acht gnumma funn di Sara vi eah ksawt katt hott, un da Hah hott gedu fa di Sara vi eah fashprocha katt hott.

1. Petrus 2:12

Un fiahret en goot layves-lawf unnich di Heida, so es vann si shvetza geyyich eich veyyich letz du, dann kenna si sayna es diah goodi sacha doond, un si gevva Gott di eah uf em dawk vann eah moll kumd.

1. Timotheus 6:8

Avvah vann miah ess-sach un glaydah henn dann sedda miah zufridda sei.

Psalm 147:14

Eah hald fridda inseit deim land, un macht dich satt mitt em beshta vaytza.

Shpricha 30:8

Hald mich funn falshheit un leeya, mach mich nett oahm adda reich, avvah gebb miah yusht's broht es ich brauch.

Ruth 1:5

No sinn da Mahlon un da Chilion aw awl zvay kshtauva, un dee fraw laynich voah ivvahrich funn iahra mann un zvay boova.

Ruth 1:7

No hott see da blatz falossa vo see voah, un mitt iahra zvay shviah-dochtahra sinn si uf da vayk fa zrikk in's land Juda gay.

Psalm 102:14

Dei gnechta henn en grohsi leevi fa di shtatt iahra shtay, un davvahra iahra shtawb.

Joel 2:19

Da Hah hott andvat gevva zu sei leit, un ksawt, “Ich zayl eich frucht, vei un ayl shikka, so es diah gans satt sind; ich zayl eich nee nimmi fashpott sei lossa bei di heida.