Römer 2:7 - Pennsylvania Dutch Bible

⁷ Fa selli es geduldich ohhalda goot du, un hallichkeit un eah sucha, un en layva es nett shtaubt, zu selli gebt eah ayvich layva.

Römer 2:7 Referans Kwoze

Lukas 8:15

Avvah da sohma uf em gooda bodda is vi selli vo vann si's Vatt heahra, nemma si's ei un hald es mitt en eahlich un goot hatz, un bringa frucht raus mitt geduld.”

2. Timotheus 1:10

Avvah nau is es raus gebrocht vadda zu uns veil unsah Heiland Jesus Christus sich gvissa hott. Eah hott di graft fumm doht vekk gnumma, un hott deich's Effangaylium, layva es nett fagay kann in's licht gebrocht.

1. Korinther 15:58

Fasell, mei leevi breedah, shtaynd fesht, un losset nett nohch. Doond immah eiyah besht in di eahvet fumm Hah, fa diah visset es eiyah eahvet im Hah nett fa nix is.

Römer 6:23

Fa da lohn funn di sind is da doht, avvah's frei kshenk funn Gott is ayvich layva in unsahm Hah Jesus Christus.

Kolosser 1:27

Zu selli hott Gott vissa lossa vella vi grohs es dee reich hallichkeit un dee deef sach funn Gott is unnich di Heida; naymlich, Christus in eich, di hofning funn di hallichkeit.

Galater 6:9

Losset uns nett laydich vadda funn goot du, fa an di recht zeit zayla miah eahnda vann miah nett ufheahra.

Römer 8:18

Ich glawb es es leides funn deahra zeit nix sei zayld zu vass di hallichkeit sei zayld vass gvissa vatt zu uns.

Römer 2:10

Avvah hallichkeit, eah, un fridda kumd zu alli mensh es goot dutt, zu di Yudda seahsht, un aw zu di Heida.

Psalm 37:3

Du dei fadrauwa in da Hah un du goot, no kansht im land voona un brauchsht dich nett feicha.

Psalm 27:14

Voaht uf da Hah, sei shteik un gedrohsht, ich sawk viddah, voaht uf da Hah.

1. Johannes 2:25

Un dess is vass eah uns fashprocha hott—es ayvich layva.

Römer 9:23

Vass vann eah dess gedu hott fa sei reichi hallichkeit bekand macha zu selli es eah bamhatzich voah ditzu un grisht hott fa hallichkeit—

Johannes 5:44

Vi kennet diah glawva vann diah yusht di eah nemmet funn-nannah un suchet nett di eah vo kumd fumm aynsishta Gott?

Psalm 37:34

Voaht uf da Hah, un hald dich uf seim vayk. No haybt eah dich uf fa's land eahva. Vann di gottlohsa abkshnidda vadda, zaylsht du's sayna.

Hiob 17:9

Avvah di gerechta halda oh iahra vayk gay, un selli mitt reini hend vadda shteikah.

Hebräer 6:15

Un so, noch demm es eah geduldich gvoaht hott, hott eah grikt vass fashprocha voah.

Hebräer 6:12

Dess is so es diah nett aldvannish vaddet, avvah es diah selli nohch machet vo deich da glawva un geduld sell eahva zayla vass fashprocha voah.

Ezekiel 18:17

Eah hald sei hand funn letz du zu di oahma, un nemd nett zu feel indressa. Eah hald mei ksetz un lawft in mei gebodda. Sellah boo zayld nett shtauva fa sei daett sei sinda. Nay, eah zayld layva.

Matthäus 25:46

Un si gayn hee vo si ayvichlich kshtrohft vadda, avvah di gerechta gayn in's ayvich layva.”

Lukas 21:19

Deich eiyah geduld greeya eiyah sayla layva.

Johannes 4:36

Deah vo di frucht ab macht vatt betzawld, un eah sammeld frucht fa's ayvich layva, so es sellah vo sayt un sellah vo eahnd mitt-nannah sich froiya kenna.

1. Korinther 15:42

So is es aw mitt di uffashtayung funn di dohda. Es is ksayt en leib es fafaula kann; es shtayt uf en leib es nett fafaula kann.

1. Korinther 15:50

Ich sawk eich dess, leevi breedah, flaysh un bloot kann nett's Kaynich-Reich funn Gott eahva, un dess vo fafauld, kann dess nett eahva vass nett fafauld.

Epheser 6:24

Gnawt sei zu awl selli vo leevi henn fa unsah Hah Jesus Christus mitt en ayvichi leevi. Amen.

1. Timotheus 1:17

Nau zu em ayvicha Kaynich, deah vo nett shtauva kann un nett ksenna sei kann, da aynsisht Gott mitt veisheit, zu eem sei eah un hallichkeit funn ayvichkeit zu ayvichkeit. Amen.

Hebräer 2:7

Du hosht een fa en katzi zeit niddahra gmacht es di engel; du hosht een gekrohnd mitt hallichkeit un eah, un hosht een ivvah awl di verka funn dei hend ksetzt.