Römer 11:17 - Pennsylvania Dutch Bible

¹⁷ Avvah vann samm funn di nesht abgebrocha sinn, un diah vo vildi ayl-baym sind aw nei gezveicht voahret mitt eena—vann diah nau en dayl nemmet funn di vatzel un da saft fumm ayl-bohm,

Römer 11:17 Referans Kwoze

Epheser 3:6

Dess is naymlich, es di Heida mitt-eahvah sinn mitt di Yudda, un sinn en dayl fumm sayma leib. Si zayla mitt-nannah en dayl havva in sellem vass fashprocha is deich Jesus Christus im Effangaylium.

Jeremia 11:16

Da Hah hott dich als en greenah ayl-bohm kaysa, mitt shay un goot frucht. Avvah mitt di yacht funn en mechtichah shtoahm, shtekt eah een oh mitt feiyah, un sei nesht vadda fadauva.

Johannes 15:2

Alli nasht in miah es kenn drauva grikt nemd eah vekk, un alli nasht es drauva grikt shneit eah zrikk, so es eah may drauva grikt.

Matthäus 21:43

Fasell sawk ich eich, es Gottes-Reich vatt vekk gnumma funn eich un vatt gevva zu leit vo eem sei frucht gevva.

Psalm 52:8

Avvah ich binn vi en greenah ayl-bohm im haus funn Gott; ich drau im Gott sei shtandhaftichi-leevi, fa'immah un immah.

Kolosser 2:13

Un diah, vo doht voahret in eiyah sinda un nett beshnidda in eiyahm flaysh, hott Gott levendich gmacht mitt eem, un hott uns awl unsah sinda fagevva.

Di Apostelgeschichte 2:39

Deah Geisht is fashprocha zu eich un zu eiyah kinnah, un zu alli leit in awl lendah es da Hah unsah Gott roofa dutt.”

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Di Offenbarung 11:4

Dess sinn di zvay ayl-baym un di zvay lichtah vo fannich em Gott funn di eaht shtayn.

Johannes 15:6

Vann en mann nett in miah bleibt, vatt eah naus kshmissa vi en nasht, un drikkeld uf. Un di nesht vadda no zammah gegeddaht, in's feiyah kshmissa un fabrend.

Sacharia 4:3

Ich sayn aw zvay ayl-baym, aynah uf di rechts seit un da annah uf di lings.”

Jona 1:16

No henn di mennah sich oahrich kfeicht veyyich em Hah. Si henn em Hah en opfah gebrocht un henn en fashpreching gmacht zu eem.

Jesoiya 6:13

Doch zayld en zeyyadel dayl im land bleiva, avvah sell zayld viddah fadauva vadda. So vi da linda-bohm un da aycha-bohm shtumba shtay lossa vann si nunnah kshnidda vadda; so is da heilich sohma da shtumba im land.”

5. Mosi 8:8

en land vo vaytza un geahsht, drauva-ranka, feiya-baym un grannat-ebbel drinn vaxa, en land mitt ayl-baym un hunnich;

Galater 2:15

Bei unsah naduah sinn miah Yudda, un nett sindah vi di Heida.

Johannes 15:1

“Ich binn da recht drauva-shtokk un mei Faddah is da vann vo da drauva-goahra hald.

Römer 11:24

Vann diah aus en vildah ayl-bohm kshnidda voahret, un in en goodah ayl-bohm gezveicht voahret—dess vo geyyich em nadiahlicha gayt—vi feel may vadda di nadiahlicha nesht in iahra ayknah ayl-bohm gezveicht?