Richtah 5:31 - Pennsylvania Dutch Bible

³¹ So loss awl dei feinda umkumma, oh Hah! Avvah loss selli es dich leeva, greftich sei vi di sunn es am uf kumma is.” No hott's land fridda katt fa fatzich yoah.

Richtah 5:31 Referans Kwoze

Psalm 37:6

Eah macht dei gerechtichkeit sheina vi en licht, un dei gericht vi di middawk sunn.

2. Samuel 23:4

dann is eah vi di meiya-helling vann di sunn ufkumd uf en meiya unni volka, vi di helling funn di sunn noch em reyya, es es graws raus bringd funn di eaht.’

1. Petrus 1:8

deah vo diah nett ksenna hend, avvah doch leevet. Un even vann diah een noch nett sayna kennet, glawvet diah alsnoch, un froiyet eich mitt unshprechlichi un hallichi frayt,

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

1. Korinther 8:3

Avvah vann ennich ebbah Gott leeb hott, sellah is gekend bei Gott.

Daniel 12:3

Selli mitt eisicht zayla sheina vi di helling fumm himmel, un selli es feel leit zu gerechtichkeit drayya zayla ayvichlich sheina vi di shtanna.

Psalm 91:14

“Veil eah mich leeb hott, dann zayl ich een frei macha,” sawkt da Hah; “veil eah mei nohma vayst, dann zayl ich een heeda.

Psalm 89:36

Sei nohch-kummashaft zayld sei fa'immah, un sei kaynich-reich so lang es di sunn fannich miah shtayt.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

Römer 8:28

Miah vissa es alli sacha ausshaffa fa goot fa selli es Gott leeva, fa selli vo groofa sinn so vi Gott's foah-gezayld hott,

Matthäus 13:43

No doon di gerechta sheina vi di sunn im Kaynich-Reich funn iahrem Faddah. Deah vo oahra hott, loss een heahra.”

Hosea 6:3

Vella fleisich sei un da Hah bekenna; so shuah es di sunn ufkumd zayld eah sich veisa; eah kumd zu uns vi da vindah reyyah, un vi da free-yoah reyyah es di eaht vessaht.”

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Psalm 97:10

Diah es da Hah leeb hend, hasset evil; eah heet di sayla funn sei heilichi, eah hald si aus di kfoah funn di gottlohsa iahra hend.

Richtah 3:11

No hott's land fridda katt fa fatzich yoah biss da Othniel, em Kenas sei boo, kshtauva is.

Psalm 97:8

Zion heaht dess un is froh, un di shtett funn Juda froiya sich, ivvah dei gerichtes, oh Hah.

Psalm 92:9

Fa gukk moll an dei feinda, oh Hah, gukk moll, dei feinda zayla umkumma, un awl di evil-shaffah vadda kshtroit.

Richtah 3:30

Sellah dawk is Moab unnich di hand funn Israel kumma, un's land hott fridda katt fa achtzich yoah.

5. Mosi 6:5

Lohvet da Hah eiyah Gott mitt eiyah gans hatz, mitt eiyah gansi sayl un mitt awl eiyah grefta.

2. Mosi 20:6

Avvah ich veis leevi zu dausends funn selli es mich leeb henn un mei gebodda halda.

Di Offenbarung 18:20

Froi dich ivvah see, Himmel, un diah saylichi un aposhtla un brofayda, fa Gott hott si kshtrohft fa vass si gedu hott zu eich!”

Di Offenbarung 6:10

Si henn naus gegrisha mitt en laudi shtimm un henn ksawt, “Du Heilichah un Voahhaftichah Hah; vi lang voahtsht du fa selli richta uf di eaht, un si shtrohfa fa unsah bloot?”

Epheser 6:24

Gnawt sei zu awl selli vo leevi henn fa unsah Hah Jesus Christus mitt en ayvichi leevi. Amen.

Di Offenbarung 1:16

Eah hott sivva shtanna in sei rechtsi hand katt un aus seim maul is en shauf zvay-shneidich shvatt kumma. Sei ksicht voah vi di sunn am folshtendich sheina.

2. Samuel 18:31

Da Kushiddah is no bei kumma un hott ksawt, “Mei hah da kaynich, heich dess goot vatt ab! Da Hah hott dich heit frei gmacht funn awl dei feinda es geyyich dich ganga sinn.”

Psalm 89:37

Es soll shtay fa'immah vi da moon, sellah shtandhaftich zaycha im himmel.” (Sela)

5. Mosi 7:9

Fasell sellet diah vissa es da Hah eiyah Gott, Gott is. Eah is da shtandhaftich Gott es sei bund hald, un sei shtandhaftichi-leevi veist fa en dausend layves-zeida zu selli es een leeva un sei gebodda halda.

2. Samuel 18:32

Da kaynich hott da Kushiddah kfrohkt, “Vee is es ganga mitt em yunga mann Absalom?” Da Kushiddah hott ksawt, “Ich vinsh vass es gevva hott mitt eem dayt gevva vadda zu dei feinda un zu awl selli es sich ufshtella geyyich dich.”

Psalm 19:6

See kumd uf an aym end funn di himla, un bleibt in iahra pawt biss an's annah end. Nix kann sich fashtekla funn iahra hitz.

Psalm 20:8

Si sinn niddah gebrocht vadda un sinn kfalla, avvah miah sinn ufkshtanna un shtayn grawt.

Psalm 92:10

Du hosht mich shteik gmacht vi da vild ox, un hosht mich ksalbt mitt frish ayl.