Richtah 13:23 - Pennsylvania Dutch Bible

²³ Avvah sei fraw hott ksawt, “Vann da Hah uns doht macha hett vedda, hett eah nett en brand-opfah un en shpeis-opfah ohgnumma funn unsah hend, un eah hett aw nett awl dee sacha gvissa adda uns dee sacha ksawt.”

Richtah 13:23 Referans Kwoze

1. Korinther 12:21

Es awk kann nett sawwa zu di hand, “Ich brauch dich nett,” adda da kobb zu di fees, “Ich brauch eich nett.”

Psalm 25:14

Da Hah is da freind funn selli es een firchta; eah veist sei bund zu eena.

Johannes 15:15

Ich hays eich nimmi lengah gnechta, veil en gnecht nett vayst vass sei meishtah am du is, avvah ich habb eich freind kaysa, veil alles es ich keaht habb funn meim Faddah havvich eich vissa glost.

Johannes 14:20

An sellem dawk visset diah es ich in meim Faddah binn, un diah in miah, un ich in eich.

Psalm 86:17

Veis miah en zaycha es du's goot maynsht fa mich, so es selli es mich hassa sich shemma missa, veil du, oh Hah, miah bei shtaysht un mich drayshta dusht.

Shpricha 3:32

Da Hah hast ebbah es evil dutt, avvah eah is en freind zumm ufrichticha.

Johannes 14:23

Jesus hott eem ksawt, “Vann ebbah mich leeb hott, hald eah mei Vatt. Un mei Faddah leebt een, un miah kumma zu eem un macha unsah haymet bei eem.

Psalm 27:13

Ich glawb avvah doch es ich sayna zayl vi goot es da Hah is im land funn di levendicha.

Richtah 13:24

Di fraw hott no en boo katt un hott een Samson kaysa. Da boo is gvaxa un da Hah hott een ksaykend.

Psalm 20:4

es eah diah gebt vass dei hatz havva vill, un shaft alles aus es du im sinn hosht fa du.