Psalm 98:4 - Pennsylvania Dutch Bible

⁴ Greishet zumm Hah mitt frayt ivvahrawlich in di eaht, singet laut mitt lohb un preiset een.

Psalm 98:4 Referans Kwoze

Jesoiya 44:23

Singet mitt frayt, oh himla, fa da Hah hott dess gedu. Greish laut, du niddahsht dayl funn di eaht. Singet mitt frayt, diah berga un awl di baym in di busha. Fa da Hah hott da Jakob saylich gmacht, un veist's in sei hallichkeit deich Israel.

Psalm 100:1

Greishet mitt frayt zumm Hah ivvahrawlich in di eaht.

Di Offenbarung 19:6

Ich habb no en shtimm keaht vass glaut hott vi en grohsi drubb, vi en shtimm funn en grohs vassah un en shtimm funn laut gviddah am naus greisha, “Halleluja! Unsah Hah, da Awlmechtich Gott, is nau Kaynich fumm reich.

Psalm 66:1

Greishet naus mitt frayt zu Gott, alli lendah.

Jesoiya 12:6

Greishet laut un singet mitt frayt, diah leit funn Zion, fa grohs unnich eich is sellah Heilichah funn Israel.”

Psalm 95:1

Kummet un vella singa zumm Hah, vella fraylich singa zumm Felsa funn unsah saylichkeit.

Di Offenbarung 19:1

Noch demm habb ich keaht vass glaut hott vi en grohsi shtimm funn en grohsi drubb im Himmel am sawwa, “Halleluja! Di saylichkeit, di eah, di hallichkeit un di graft heahra zumm Hah unsah Gott,

Matthäus 21:9

Un di leit vo fannich eem heah ganga sinn un dee vo hinnich eem nohch kumma sinn henn gegrisha, “Hosanna zumm Sohn fumm Dawfit! Glohbt is deah vo kumd im nohma fumm Hah! Hosanna im haychshta!”

Zephania 3:14

Sing mitt frayt, oh Dochtah funn Zion! Greish naus, oh Israel! Sei froh un froi dich mitt dei gans hatz, oh Dochtah funn Jerusalem!

Jeremia 33:11

datt zayla viddah di shtimma keaht sei funn frayt un fraylichkeit, fumm hochtzich-maydel un em hochtzich-mann un di shtimma funn selli es dank-opfahra zumm Hah sei haus bringa, un sawwa, ‘Gevvet dank zumm Awlmechticha Hah veil eah goot is, un sei shtandhaftichi-leevi ayvichlich is.’ Ich zayl dess land viddah goot macha grawt vi's voah difoah,” sawkt da Hah.

Psalm 67:4

Di heida sella froh sei un singa mitt frayt, veil du di mensha recht richsht, un di leit fiahsht uf di eaht. (Sela)

Jesoiya 42:11

Losset di vildahnis un iahra shtett laut singa, un aw di shtetlen vo di Kedar-leit drinn voona. Losset di leit es in di felsa voona fraylich singa, losset si singa funn ovva uf di berga.

Psalm 66:4

Di gans eaht bayt dich oh, un singd lohb zu diah, un zu deim nohma.” (Sela)

Psalm 71:22

Ich vill dich aw preisa mitt harfa, fa dei shtandhaftichkeit, oh mei Gott. Ich vill lohb singa zu diah mitt di harf, du Heilichah funn Israel.

Psalm 95:2

Vella dankboah fannich een kumma, un een preisa mitt fraylichi psaltah.