Psalm 97:11 - Pennsylvania Dutch Bible

¹¹ Es licht sheind uf di gerechta, un frayt sheind uf di ufrichticha im hatz.

Psalm 97:11 Referans Kwoze

Johannes 12:46

Ich binn in di veld kumma es en licht, so es awl dee vo an mich glawva, nimmi im dunkla bleiva braucha.

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Hiob 22:28

Vass du diah foah-nemsht zayld goot ausdrayya, un's licht zayld uf dei vayya sheina.

Psalm 112:4

Es licht kumd im dunkla fa di ufrichticha, eah is gnaydich, bamhatzich un gerecht.

Di Offenbarung 21:23

Di shtatt hott kenn sunn gebraucht adda moon fa uf see sheina, fa di hallichkeit funn Gott hott see uf glicht, un's Lamm voah iahra licht.

Galater 6:8

Deah vo sayt noch seim flaysh, eah zayld sell eahnda vass noch em flaysh fadaubt, avvah deah vo sayt noch em Geisht, eah zayld fumm Geisht ayvich layva eahnda.

Psalm 18:28

Du machsht mei licht sheina, da Hah, mei Gott, macht mei dunkelheit dawk sei.

Esther 8:16

Di Yudda henn licht un frayt un eah katt.

Di Offenbarung 22:5

Es zayld goah kenn nacht datt sei. Si braucha kenn helling funn en licht, un aw nett di helling funn di sunn. Fa Gott da Hah zayld iahra helling sei, un si zayla kaynicha sei fa immah un immah.

Micha 7:9

Ich zayl em Hah sei zann drawwa veil ich ksindicht habb geyyich een. Ich drawk sei zann biss eah mei sach ausfiaht, un miah mei recht ausshaft. Eah zayld mich raus in di helling bringa, un ich zayl sei gerechtichkeit sayna.

Jesoiya 62:1

Fa di sayk funn Zion zayl ich nett shtill sei, un fa di sayk funn Jerusalem zayl ich nett roowa, biss iahra gerechtichkeit sheind mitt helling, un iahra saylichkeit brend vi en feiyah-shtekka.

Hiob 11:17

Dei layva zayld hellah sei es di mitt fumm dawk, un's dunkla zayld sei es vi meiyets.

Psalm 68:4

Singet zu Gott, singet lohb zu sei nohma; singet en leet zu demm es uf di volka foaht. Sei nohma is Hah; froiyet eich fannich eem.

Jesoiya 58:8

No zayld eiyah licht raus kumma vi di meiya-helling, un diah vaddet shnell kayld; eiyah gerechtichkeit gayt fannich eich heah, un di hallichkeit fumm Hah heet eich hinna-bei.