Psalm 94:8 - Pennsylvania Dutch Bible

⁸ Gevvet acht, diah unksheidi unnich di leit, vann zaylet diah moll ksheit vadda, diah dummi leit?

Psalm 94:8 Referans Kwoze

Psalm 92:6

En unksheidah mensh vayst dess nett, un en dummah mensh fashtayt's nett,

Titus 3:3

Fa miah voahra aw moll unkshikt, unni veisheit un henn nett keicht. Miah voahra fafiaht un gnechta zu alli sadda lusht un blesiah. Miah henn glaybt in ungerechtichkeit un henn anri leit sacha fagund. Leit henn uns kast un miah henn nannah kast.

Psalm 49:10

Ma kann sayna es even leit mitt veisheit shtauva, di dumma un unkshikta doon aw, un si missa awl iahra geld lossa fa anri.

Römer 3:11

es is nimmand es fashtayt, un nimmand es Gott sucht.

Shpricha 12:1

Ennich ebbah es eisicht leeb hott, gleicht recht ksetzt sei, avvah ennich ebbah es nett gleicht recht ksetzt sei is dumm.

5. Mosi 32:29

Vann si veisheit hedda, dayda si dess fashtay, si dayda vissa vass iahra end sei zayld.

Jeremia 10:8

Si sinn awl dumm un nett ksheit, iahra holsichi abgettah kenna si nix lanna.

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Shpricha 8:5

Diah es nett bessah visset, fanget oh denka, un diah dummi leit, fanget oh fashtay.

Psalm 73:22

dann voah ich nett ksheit un habb nix fashtanna. Ich voah vi en unksheit diah fannich diah.

Shpricha 1:22

“Diah dummi leit, vi lang vellet diah dumm bleiva, vi lang zayla shpoddah gleicha ohhalda shpodda, un vi lang zayla di unksheida eisicht hassa?