Psalm 93:3 - Pennsylvania Dutch Bible

³ Di hohcha vassahra hayva sich uf, oh Hah, di hohcha vassahra henn iahra shtimm ufkohva; di hohcha vassahra hayva iahra vella uf.

Psalm 93:3 Referans Kwoze

Psalm 96:11

Loss di himla froh sei, un di eaht sich froiya, loss da say roahra, un alles es drinn is.

Psalm 18:4

Di shtrikk fumm doht voahra gans um mich rumm, un di vella funn ungettlichkeit sinn ivvah mich grold.

Di Offenbarung 17:15

No hott da engel ksawt zu miah, “Di vassahra es du ksenna hosht, datt vo di huah hokt, sinn mensha un drubba funn leit—alli sadda leit mitt alli sadda shprohcha.

Jesoiya 55:12

Diah zaylet naus gay mitt frayt, un kfiaht sei mitt fridda; di berga un hivla zayla singa fannich eich, un awl di baym im feld shlauwa iahra hend zammah.

Di Offenbarung 12:15

No hott di shlang vassah aus iahra maul kumma gmacht vi en revvah, so es es veibsmensh vekk gvesha vatt bei em vassah.

Jona 2:3

Du hosht mich in's deef vassah kshmissa, in di mitt fumm say. 'S vassah voah gans um mich rumm, un awl dei grohsi vella sinn ivvah mich ganga.

Psalm 46:3

even vann sei vassahra roahra un shauma, un di berga kshiddeld vadda bei em say sei gvald. (Sela)

Psalm 46:4

Es hott en revvah, un iahra grikka macha di shtatt funn Gott froh, selli heilich shtatt vo da Alli-Haychsht voond.