Psalm 91:14 - Pennsylvania Dutch Bible

¹⁴ “Veil eah mich leeb hott, dann zayl ich een frei macha,” sawkt da Hah; “veil eah mei nohma vayst, dann zayl ich een heeda.

Psalm 91:14 Referans Kwoze

Psalm 9:10

Selli es dei nohma vissa doon iahra fadrauwa in dich; fa du, oh Hah, falosht selli nett es dich sucha.

Johannes 14:23

Jesus hott eem ksawt, “Vann ebbah mich leeb hott, hald eah mei Vatt. Un mei Faddah leebt een, un miah kumma zu eem un macha unsah haymet bei eem.

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

Johannes 16:27

Da Faddah selvaht leebt eich veil diah mich gleebt hend, un geglawbt hend es ich fumm Faddah kumma binn.

Römer 8:28

Miah vissa es alli sacha ausshaffa fa goot fa selli es Gott leeva, fa selli vo groofa sinn so vi Gott's foah-gezayld hott,

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

Galater 4:9

Avvah nau, noch demm es diah Gott kennet, adda nay, nau es diah gekend sind bei Gott, favass vellet diah viddah zrikk drayya zu selli shvacha un eahmlichi sacha? Vellet diah viddah iahra gnechta vadda?

Jesoiya 33:16

Sell is da mann es hohch drovva voond, hohchi felsa halda een aus di kfoah. Sei ess-sach vatt eem gevva, un eah hott vassah unni fayl.

Psalm 91:9

Veil du da Hah dei Roo-Blatz gmacht hosht, un da Alli-Haychsht dei Voon-Blatz,

Johannes 17:3

Un dess is ayvich layva, es si dich, da aynsisht voahlich Gott, kenna sella, un es si Jesus Christus, deah vo du kshikt hosht, kenna sella.

Psalm 59:1

Mach mich frei funn mei feinda, oh Gott, un hald mich vekk funn selli es sich uf shtella geyyich mich.

1. Chronik 29:3

Un deich di grohs leevi es ich habb fa's haus funn meim Gott, dann gebb ich mei ayya gold un silvah fa da tempel funn meim Gott—dess is ovvich em sach es ich kseikt habb fa deah heilich tempel bauwa.

Ezra 8:31

Uf em zvelfda dawk fumm eahshta moonet henn miah naus kshteaht fumm Ahava Revvah fa noch Jerusalem gay. Di hand funn unsah Gott voah ivvah uns, un eah hott uns keet funn di feinda un rawvah uf em vayk.

Psalm 9:11

Lohvet da Hah es in Zion voond, sawwet di leit vass eah gedu hott.

Jeremia 39:17

Avvah ich nemm dich aus di kfoah in sellem dawk, sawkt da Hah; du vasht nett ivvah-gedrayt zu selli es du dich feichsht difunn.