Psalm 89:1 - Pennsylvania Dutch Bible

¹ Ich zayl singa veyyich di shtandhaftich leevi fumm Hah fa'immah; un zayl sei shtandhaftichkeit fakindicha mitt meim maul ayvichlich.

Psalm 89:1 Referans Kwoze

Psalm 101:1

Ich vill singa veyyich bamhatzichkeit un veyyich feah sei; zu diah, Oh Hah, vill ich lohb singa.

Psalm 119:90

Dei shtandhaftichkeit shtayt fa'immah un immah, du hosht di eaht fesht gegrund un si bleibt shtay.

Glawk-Leedah 3:23

See is nei alli meiya. Grohs is dei shtandhaftichkeit.

Psalm 89:8

Oh Hah, Almechtichah Gott, veah is vi du? Du bisht mechtich, oh Hah, un dei shtandhaftichkeit is um dich rumm.

Psalm 89:33

Avvah ich nemm mei shtandhaftichi-leevi nett funn eem, un loss mei shtandhaftichkeit nee nett shtobba.

Psalm 36:5

Dei shtandhaftichi-leevi, oh Hah, langd nuff in da himmel, un dei voahheit biss nuff an di volka.

Titus 1:2

Dess gebt en hofning funn ayvich layva vo Gott, deah vo nett leeya kann, fashprocha hott lang zrikk eb di veld voah.

Psalm 106:1

Lohb sei zumm Hah! Gevvet dank zumm Hah, fa eah is goot, un sei shtandhaftichi-leevi bleibt fa'immah.

Psalm 89:49

Oh Hah, vo is dei shtandhaftichi-leevi funn lang zrikk, selli es du shtandhaftich kshvoahra hosht zumm Dawfit?

Psalm 92:2

fa dei grohsi leevi fakindicha meiyets, un dei shtandhaftichkeit alli nacht,

Psalm 71:8

Mei maul is foll mitt dei lohb, un mitt dei hallichkeit da gans dawk lang.

Psalm 89:24

Mei shtandhaftichi-leevi un bamhatzichkeit zayld bei eem sei, un deich mei nohma zayld sei greftich hann uf kohva sei.

Psalm 59:16

Avvah ich zayl singa veyyich dei macht, alli meiya zayl ich singa veyyich dei grohsi leevi; fa du bisht mei Feshtah-Blatz, en Roo-Blatz aus di kfoah an di zeit funn mei noht.

Micha 7:20

Du zaylsht shtandhaftich sei zumm Jakob, un bamhatzich zumm Abraham, so vi du kshvoahra hosht zu unsah foah-feddah in di dawwa lang zrikk.

Jesoiya 25:1

Oh Hah, du bisht mei Gott, ich hayb dich uf un lohb dei nohma; du voahsht shtandhaftich un hosht vundahboahri sacha gedu, sacha es du im sinn katt hosht lang zrikk.

Psalm 88:11

Is dei shtandhaftichi-leevi vissa gmacht im grawb, adda dei shtandhaftichkeit im land funn fadeahves?

1. Chronik 2:6

Di nayma fumm Serah sei boova voahra: Simri, Ethan, Heman, Chalkol un Dara—fimfa alles zammah.

1. Kaynicha 4:31

Eah hott may veisheit katt es ennichah anra mann, may es da Ethan, da Ezrahiddah, un da Heman, da Chalkol un da Darda, em Mahol sei boova. Di heida ivvahrawlich henn keaht funn eem un henn eem eah gevva.

1. Kaynicha 5:11

Da Solomon hott em Hiram no zvay un sechtzich dausend sekk vaytza gevva fa sei haus-hohld. Eah hott eem aw en hunnaht un fuftzay dausend galla ausgedrikt ayl gevva, un da Solomon hott ohkalda dess du yoah noch yoah.