Psalm 86:1 - Pennsylvania Dutch Bible

¹ Heich mich ab, oh Hah, un gebb miah andvat, fa ich binn oahm un in noht.

Psalm 86:1 Referans Kwoze

Psalm 31:2

Dray dei oah zu miah, un nemm mich kshvind aus di kfoah; Sei en shteikah felsa zu miah, en shteik greeks-gebei es mich frei macht.

Psalm 40:17

Ich binn oahm un in noht; avvah da Hah denkt an mich. Du bisht mei hilf un machsht mich frei, oh mei Gott, fasaum dich nett.

Daniel 9:18

Dray dei oah, oh Gott, un heich mich ab; mach dei awwa uf un gukk an unsah dreebsawl un an di shtatt es dei nohma drawkt. Miah macha unsah gebayt zu diah nett veil miah gerecht sinn, avvah veil du bamhatzich bisht.

Matthäus 5:3

“Ksaykend sinn selli vo oahm sinn im geisht. Es Kaynich-Reich fumm Himmel is iahres.

Psalm 34:6

Deah oahm mann hott groofa, un da Hah hott een keaht, un hott een frei gmacht funn awl sei druvvel.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

Lukas 4:18

“Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Jesoiya 66:2

Hott nett mei hand awl dee sacha gmacht, un gmacht es si do sinn?” sawkt da Hah. “Avvah dess is da mensh es ich ditzu gukk, sellah es daymeedich is mitt en gebrocha hatz, un es en furcht hott fa mei vatt.

Jesoiya 37:17

Mach dei oah uf, oh Hah, un heich mich ab; mach dei awwa uf, oh Hah, un gukk; heich awl di vadda es da Sanherib kshikt hott fa da levendich Gott faniddahra.

Psalm 142:1

Ich roof zumm Hah mitt mei shtimm; mitt mei shtimm bitt ich da Hah fa bamhatzichkeit.

Psalm 140:12

Ich vays es da Hah di sacha funn di oahma recht ausshaffa zayld, un eah gebt selli es noht henn iahra recht.

Psalm 119:22

Loss si mich nett fa'achta un fashpodda, fa ich hald dei zeiknisa.

Psalm 102:17

Eah heicht di gebaydah ab funn di falossana; eah fa'acht iahra gebayt nett.

Psalm 17:6

Ich habb groofa zu diah, oh Gott, fa du gebsht miah andvat, dray dei oah zu miah un heich mei vadda oh.

Psalm 102:1

Heich mei gebayt ab, oh Hah, vann ich naus roof fa hilf.

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 25:16

Dray dich zu miah, un sei gnaydich zu miah, fa ich binn laynich un fafolkt.