Psalm 83:15 - Pennsylvania Dutch Bible

¹⁵ so gay eena nohch mitt dei shtoahm, un fagelshtah si mitt shteikah vind.

Psalm 83:15 Referans Kwoze

Hiob 9:17

Eah dayt ivvah mich foahra mitt en shtoahm, un dayt mei vayyi blakka noch shlimmah macha unni uahsach.

Psalm 50:3

Unsah Gott kumd, un eah is nett shtill; feiyah es frest gayt fannich eem heah, un en grohsah shtoahm is um een rumm.

Jesoiya 28:17

Ich mach eahlich richtes da bendel fa messa, un gerechtichkeit da level. Shlohsa keahra vekk awl di leeya es diah eich falosset druff, un hohch vassah lawft ivvah eiyah fashtekkel-blatz.

Psalm 58:9

Eb eiyah kesla di hitz fumm danna-feiyah feela, eb di danna gree adda drukka sinn, dann keaht eah di ungettlicha vekk.

Hebräer 12:18

Diah sind nett an da berg kumma es ohgraykt sei kann un es brend mitt feiyah. Diah sind aw nett in di dunkel finshtahnis un en gviddah-shtoahm kumma,

Matthäus 7:27

No hott's hatt greyyaht un's vassah is hohch vadda, un da vind hott veddah sell haus geblohsa, un's is zammah kfalla un voah alles fadauva.”

Psalm 11:6

Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.

Jesoiya 30:30

Da Hah zayld sei hallichi shtimm heahra lossa, un zayld sei oahm sayna lossa am runnah shlauwa, mitt gleedichah zann un fazeahrich feiyah, mitt shlimmah haddah reyya, hohchah vind un shlohsa.

Ezekiel 21:3

un sawk: ‘Dess is vass da Hah sawkt: Ich binn geyyich dich. Ich zayl mei shvatt raus zeeya un dei leit abshneida funn diah—di gerechta un di ungerechta mitt-nannah.