Psalm 82:5 - Pennsylvania Dutch Bible

⁵ Dee gettah vissa nix, un fashtayn nix, si lawfa rumm im dunkla; awl di foundations funn di eaht sinn kshiddeld.

Psalm 82:5 Referans Kwoze

Psalm 11:3

Vann di foundations am fabrocha vadda sinn, vass kenna di gerechta du?”

Micha 3:1

No habb ich ksawt, “Heichet moll diah foah-gengah funn Jakob, diah es di roolahs sinn im Haus funn Israel. Seddet diah nett vissa vass recht is?

Römer 1:28

Un siddah es si nett gmaynd henn es es nohtvendich is fa vissa veyyich Gott, hott Gott si ivvah-gevva zu en unreini meind, fa di sacha du es si nett sedda.

Shpricha 2:13

funn selli es grawdi pawda falossa, un lawfa uf dunkli vayya,

1. Johannes 2:11

Avvah deah vo sei broodah hast, is im dunkla, lawft im dunkla un vayst nett vo eah am hee gay is, veil's dunkla sei awwa blind gmacht hott.

Johannes 12:35

Jesus hott ksawt zu eena, “Es licht is bei eich fa noch en glenni zeit. Lawfet diveil es diah's licht hend, adda's dunkla kumd ivvah eich. Deah vo im dunkla lawft vayst nett vo eah hee gayt.

Shpricha 1:29

veil si eisicht kast henn, un henn em Hah sei furcht nett havva vella.

Psalm 14:4

Doon selli es evil shaffa nett fashtay, selli es mei leit uf fressa vi broht, un roofa nett zumm Hah?

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”

Johannes 3:19

Es gericht is dess: Licht is in di veld kumma, avvah leit henn's dunkla leevah katt es di helling veil iahra verka evil voahra.

Jesoiya 59:9

So di leit iahra recht is veit vekk funn uns, un gerechtichkeit langd uns nett. Miah gukka fa gerechtichkeit, avvah alles is dunkel, fa helling, avvah miah lawfa im deefa shadda.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Psalm 53:4

Doon selli es evil shaffa nett fashtay, selli es mei leit uf fressa vi broht, un roofa nett zu Gott?

Breddichah 3:16

Un ich habb aw ebbes shunsht ksenna unnich di sunn: Im blatz funn gerichtes, voah ungettlichkeit, un im blatz vo leit iahra recht grikt henn, voah ungerechtichkeit.

Breddichah 2:14

Da mann mitt veisheit hott awwa in seim kobb, avvah da unksheit mann lawft im dunkla; doch habb ich auskfunna, es es saym end kumd zu eena awl zvay.

Shpricha 4:19

Avvah da vayk funn di gottlohsa is vi's dunkla, si kenna nett sayna vass si drivvah shtolbahra.

Psalm 75:3

Vann di eaht un awl iahra leit ziddahra, dann hayb ich iahra poshta grawt uf. (Sela)

Hiob 8:9

fa miah voahra yusht geshtah geboahra un vissa nix, unsah dawwa uf di eaht sinn yusht en shadda.

Psalm 99:1

Da Hah is Kaynich, loss di leit ziddahra; eah hokt uf em kaynich-shtool zvishich di cherubim, loss di eaht shidla.