Psalm 82:1 - Pennsylvania Dutch Bible

¹ Gott nemd sei blatz in di grohs fasamling, un is richtah unnich di gettah.

Psalm 82:1 Referans Kwoze

Johannes 10:35

Vann eah dee leit gettah kaysa hott vo's Vatt Gottes ditzu kumma is—un di Shrift kann nett gebrocha vadda—

Jesoiya 3:13

Da Hah nemd sei blatz fa richta, eah shtayt uf fa sei leit richta.

Breddichah 5:8

Vann du di oahma im land saynsht nunnah gedredda sei un si vadda grawbt funn iahra recht, dann fashtaun dich nett diveyya. En roolah is gvatsht bei aynah es ovvich eem is, un si sinn awl zvay gvatsht bei anri es ovvich eena sinn.

Psalm 58:11

Di leit zayla sawwa, “Yau, di gerechta greeya iahra lohn; yau, es is en Gott es di eaht richt!”

Psalm 138:1

Ich dank dich funn meim gansa hatz; fannich di gettah vill ich diah lohb singa.

2. Mosi 22:28

Du solsht Gott nett faflucha, un aw nett aynah es en roolah ivvah di leit is.

2. Mosi 21:6

no soll sei meishtah een zu di richtah bringa. Eah soll een an di deah adda da deah-poshta bringa un en loch in sei oah macha mitt'na awl. No soll eah sei meishtah deena sei layva lang.

2. Mosi 18:21

Un du setsht aw goodi mennah es Gottes-furcht henn raus laysa funn awl di leit. Dee sedda mennah sei funn di voahheit, un mennah es eahlich sinn. No setz dee mennah ivvah di leit fa ivvah-saynah sei funn en dausend, funn en hunnaht, funn fuftzich un funn zeyya.

Psalm 50:1

Da Awlmechtich Gott, da Hah, shvetzt, un rooft di eaht, fumm blatz es di sunn ufkumd, biss an da blatz es si unnah gayt.

Psalm 58:2

Nay, in eiyah hatza shaffet diah ungerechtichkeit; uf di eaht doon eiyah hend evil shaffa mitt gvald.