Psalm 80:1 - Pennsylvania Dutch Bible

¹ Heich uns ab, oh Heedah funn Israel; du fiahsht da Joseph vi en drubb shohf. Du, es uf em kaynich-shtool hoksht zvishich di cherubim, shein naus,

Psalm 80:1 Referans Kwoze

Di Offenbarung 21:23

Di shtatt hott kenn sunn gebraucht adda moon fa uf see sheina, fa di hallichkeit funn Gott hott see uf glicht, un's Lamm voah iahra licht.

Psalm 77:20

Du hosht dei leit kfiaht vi en drubb shohf, mitt di hand fumm Mosi un em Aaron.

Psalm 50:2

Gott sei hallichkeit sheind raus aus Zion, di shtatt es drivvah-naus shay is.

Psalm 99:1

Da Hah is Kaynich, loss di leit ziddahra; eah hokt uf em kaynich-shtool zvishich di cherubim, loss di eaht shidla.

1. Petrus 2:25

Fa diah voahret vi shohf es sich faloahra henn, avvah nau sind diah zrikk kumma zumm shohf-heedah un bishof funn eiyah sayla.

Ezekiel 34:23

Ich zayl ay shohf-heedah ivvah si du, mei gnecht da Dawfit, un eah gebt acht uf si. Eah gebt acht uf si un zayld iahra shohf-heedah sei.

2. Samuel 6:2

Eah un awl sei mennah sinn no noch Baala in Juda ganga fa di Bundes-Lawt funn Gott ruff bringa. Di Bundes-Lawt iahra nohma is da nohma fumm Awlmechticha Hah, deah es uf em kaynich-shtool hokt zvishich di cherubim uf di lawt.

1. Samuel 4:4

So sinn di leit an Silo ganga un henn di Bundes-Lawt fumm Awlmechticha Hah es zvishich di cherubim hokt zrikk gebrocht. Em Eli sei zvay boova, da Hophni un da Pinehas, voahra datt bei di Bundes-Lawt fumm Hah.

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Ezekiel 10:4

No is di hallichkeit fumm Hah in di hay ganga funn di cherubim un is uf di shvell fumm tempel ganga. Di volk hott da tempel kfild un da foah-hohf voah hell mitt di hallichkeit fumm Hah.

Jesoiya 63:11

Sei leit henn no an di alda dawwa gedenkt, di dawwa fumm Mosi un sei leit— vo is sellah es si deich da say gebrocht hott mitt em shohf-heedah funn sei drubb? Vo is sellah es sei Heilichah Geisht unnich si gedu hott,

Jesoiya 60:1

“Shtay uf un shein, fa dei helling is kumma, un di hallichkeit fumm Hah is ivvah dich kumma.

Psalm 80:7

Mach uns vass miah voahra, oh Almechtichah Gott, un loss es licht funn dei ksicht uf uns sheina, so es miah kolfa sei kenna.

Psalm 80:3

Mach uns vass miah als voahra, oh Gott, un loss es licht funn dei ksicht uf uns sheina, so es miah kolfa sei kenna.

1. Petrus 5:4

No vann da Evvahsht Shohf-Heedah sich moll veist, dann greeyet diah en hallichah krohn es nee nett ufheaht sheina.

Johannes 10:14

Ich binn da goot shohf-heedah. Ich kenn dee vo mei sinn, un si kenna mich,

Daniel 9:17

Nau, unsah Gott, heich di gebaydah ab funn dei gnecht un sell es eah frohkt difoah. Fa dei sayk, oh Hah, sei gnaydich un loss dei ksicht uf da tempel sheina es nunnah grissa is.

Ezekiel 43:2

Un ich habb em Gott funn Israel sei hallichkeit ksenna kumma funn di east. Sei shtimm voah vi di yacht funn en grohs vassah am lawfa, un di eaht hott ksheind mitt sei hallichkeit.

Ezekiel 1:13

In di mitt funn di levendicha diahra voah ebbes vi feiyahrichi kohla, adda vi lichtah es zrikk un faddi ganga sinn unnich di levendicha diahra. Dess feiyah voah hell un hott geblitzt vi gviddah.

Jesoiya 40:11

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Psalm 94:1

Oh Hah, da Gott es zrikk betzawla dutt, du Gott es sacha recht machsht, veis dich.

Psalm 80:19

Mach uns vass miah voahra, oh Hah, Almechtichah Gott; loss es licht funn dei ksicht uf uns sheina, so es miah kolfa sei kenna.

Psalm 78:67

Eah hott da tent fumm Joseph nunnah gedrayt, un hott aw da shtamm fumm Ephraim nett raus glaysa.

Psalm 78:52

Avvah eah hott sei aykni leit raus kfiaht vi shohf, un is eena foah-ganga in di vildahnis.

Psalm 69:1

Helf miah, oh Gott, fa's vassah is ruff kumma biss an mei hals.

Psalm 60:1

Oh Gott, du hosht uns vekk kshtohsa un fashtroit; du voahsht bays mitt uns, nau du uns viddah drayshta.

Psalm 55:1

Heich ab zu meim gebayt, oh Gott, un fashtekkel dich nett vann ich ohhald.

Psalm 45:1

Mei hatz is oahrich froh mitt en goot leet; dess vill ich singa fa da kaynich. Mei zung is vi en penn funn en goodah shreivah.

Psalm 5:1

Gebb dei oah zu mei vadda, oh Hah, un nemm acht funn meim geyammah.

Hiob 10:3

Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?

2. Kaynicha 19:15

Da Hiskia hott no gebayda zumm Hah: “Oh Almechtichah Hah, da Gott funn Israel, du es zvishich di cherubim hoksht, du laynich bisht da Gott ivvah awl di kaynich-reicha funn di eaht. Du hosht da himmel un di eaht gmacht.

5. Mosi 33:2

Eah hott ksawt, “Da Hah is funn Sinai kumma, un is uf kumma ivvah si funn Seir vi di sunn; eah hott raus ksheind fumm Berg Pharan. Eah is kumma mitt dausends funn heilichi, un en feiyahrich ksetz voah an sei rechtsi hand.

Psalm 50:1

Da Awlmechtich Gott, da Hah, shvetzt, un rooft di eaht, fumm blatz es di sunn ufkumd, biss an da blatz es si unnah gayt.